Երեւանի ընդհանուր իրավասության դատարանի Շենգավիթի նստավայրում ընթացող Առողջապահության նախկին փոխնախարար Արսեն Դավթյանի եւ նույն գործով ամբաստանյալ Ռազմիկ Աբրահամյանի դատական նիստին պաշտպանական կողմը միջնորդություն ներկայացրեց դատարանին՝ արգելել ԶԼՄ-ներին իրականացնել տեսաձայնագրություն ապացույցների հետազոտման ընթացքում, պատճառաբանելով այն, որ հեռախոսային ձայնագրություններում առկա են անձնական դրվագներ։
Դատարանը մասնակի բավարարեց միջնորդությունը. ապացույցների հետազոտման միայն մի հատված դատարանը որոշեց անկացնել առանց տեսագրությունների։
ԶԼՄ ներկայացուցիչներն անջատեցին տեսանկարահանող սարքերը, սակայն ձայնագրիչներով շարունակում էին ձայնագրել, ինչը դատարանը հետագայում նույնպես արգելեց։
Ըստ մեղադրական եզրակացության՝ Արսեն Դավթյանը հանդիսանալով պաշտոնատար անձ, առանձնապես խոշոր չափերով կաշառք է ստացել ծառայության գծով հովանավորչություն ցուցաբերելու եւ իր պաշտոնեական դիրքն օգտագործելով որոշակի գործողություններ կատարելուն նպաստելու համար:
Ռազմիկ Աբրահամյանին էլ մեղադրանք է առաջադրվել այն բանի համար, որ նա ՀՀ առողջապահության նախարարության պաշտոնատար անձ հանդիսացողմ ի պաշտոնե մոր ու մանկան առողջության պահպանման կազմակերպման աշխատանքները եւ առողջապահական համակարգի` նախարարության միջոցով իրականացվող ֆինանսավորման աշխատանքները համակարգող` ՀՀ առողջապահության նախարարի տեղակալ Արսեն Դավթյանին տվել է առանձնապես խոշոր չափերով կաշառք:
