News
Լրահոս
News
Չորեքշաբթի
Նոյեմբեր 25
USD
512.31
EUR
608.83
RUB
6.75
ME-USD
0.01
Տեսնել լրահոսը

Փոխվարչապետ Տիգրան Ավինյանը այսօր՝ դեկտեմբերի 9-ին մասնակցել է Հայ-վրացական իրավական համագործակցության երրորդ ֆորումին: Տիգրան Ավինյանը հանդես է եկել ելույթով, որում, մասնավորապես, ասել է.

«Նախ, ուրախ եմ ողջունելու իմ գործընկերոջը՝ Վրաստանի փոխվարչապետ, արդարադատության նախարար տիկին Թեա Ցուլուկիանիին և վրացական պատվիրակության անդամներին Երևանում:

Հանդիսանալով հայ-վրացական տնտեսական համագործակցության միջկառավարական հանձնաժողովի համանախագահը՝ մեծապես կարևորում եմ Հայաստանի ու Վրաստանի միջև փոխգործակցության զարգացումը բոլոր ուղղություններով, ինչպես նաև արդարադատության ոլորտում մեր երկրների միջև հաստատված գործընկերային, ջերմ և կառուցողական հարաբերությունները:

Հարգելի՛ գործընկերներ,

Հայաստանի կառավարության համար արդարադատության ոլորտի բարեփոխումներն ունեն առանցքային և հիմնարար նշանակություն։ Դրանք դիտարկվում են որպես կարևոր նախապայման այլ ոլորտային բարեփոխումների իրականացման և արդյունքների գրանցման առումով, հատկապես, եթե դիտարկում ենք ներդրումների ներգրավման և բիզնես միջավայրի բարելավման ուղղությունը: Այս համատեքստում՝ անկախ, հաշվետու և կոռուպցիայից զերծ դատական համակարգի առկայությունը մեր երկրում ունի կենսական նշանակություն։ Այս կարճ ժամանակահատվածում նշված ուղղությամբ կատարված վճռական քայլերը և կոնկրետ ծրագրերը թույլ են տալիս փաստելու, որ արդարադատության համակարգի նկատմամբ վստահությունը վերականգնելու մեր նպատակը անպայման հաջողության է հասնելու:

Կուզենայի նշել, որ մեր երկու կառավարությունների արդարադատության ոլորտում բարեփոխումների ծրագրերն անցնում են պատմական ընդհանուր ժառանգության, գրեթե նույն մարտահրավերների, ինչպես նաև համընդհանուր գլոբալ միտումների ճանապարհներով։ Հետևաբար, կարծում եմ, որ հայ-վրացական ոլորտային համագործակցությունն ու շփումները երկուստեք հաջողելու լավ բանաձևեր են։

Վստահ եմ, որ արդարադատության ոլորտում հայ-վրացական փոխշահավետ գործընկերությունը հնարավորություն է ընձեռնում բարեփոխումների իրականացման ճանապարհին համատեղ ջանքերով դիմագրավելու նաև ժամանակակից համընդհանուր մարտահրավերներին՝ գտնելով դրանց լուծման գործուն ուղիներ, համագործակցելով միջազգային և բազմակողմ ձևաչափերում: Այս համագործակցությունը օրինակելի կարող է լինել մյուս ոլորտների համար ևս։

Հարգելի՛ ներկաներ,

Վրաստանի հետ հարաբերությունների շարունակական և արդյունավետ զարգացումը Հայաստանի արտաքին քաղաքական առաջնահերթությունների շարքում է: Հայաստանի կառավարությունը շահագրգռված է գործադրելու հնարավոր ջանքերը Վրաստանի հետ փոխգործակցությանը նոր որակ հաղորդելու ուղղությամբ: Այս համատեքստում, մեծապես արժևորում եմ մեր երկու երկրների արդարադատության նախարարությունների միջև համակողմանի կապերի հաստատումը, որը հնարավորություն կընձեռի ապահովել օրենքի գերակայությունը, բարելավել մարդու իրավունքների պաշտպանությունը, անզիջում պայքար մղել կոռուպցիայի դեմ:

Համոզված եմ, որ Վրաստանի փոխվարչապետ, արդարադատության նախարար տիկին Ցուլուկիանիի այցի ընթացքում կուրվագծվեն համագործակցության նոր ուղղություններ՝ ի շահ և ի բարօրություն երկու պետությունների և ժողովուրդների:

Այսպիսով, բոլորին մաղթում եմ արդյունավետ քննարկում: Շնորհակալություն ուշադրության համար»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանի եւ Վրաստանի սեւծովյան նավահանգիստների միջեւ բեռնափոխադրումներն իրականացվում են սահմանված կարգով. ՀԿԵ
Ի հեճուկս հոկտեմբերի 6-ին՝ Հայաստանի եւ Վրաստանի սեւծովյան նավահանգիստների միջեւ բեռների փոխադրումների հետ կապված խնդիրների...
«Հրապարակ». Վրացիները խոչնդոտում են վառելիքի ներկրմանը
Ուղիղ կերպով չեն արգելում, բայց այնպես են անում, որ հայկական կողմը մեզ համար այս օրերին կենսական նշանակության այդ բեռները Հայաստան տեղափոխելու...
Վրաստանի ԱԳՆ. Եղբայրական Հայաստանին բարեկեցություն եւ հաջողություն ենք մաղթում
Սրտանց շնորհավորում ենք մեր բարեկամ հայ ժողովրդին եւ Հայաստանի կառավարությանը՝ Անկախության օրվա առթիվ․․․
ՀՀ ուսումնական հաստատություններում սովորող Վրաստանի քաղաքացիները կկարողանան գալ Հայաստան.ԿԳՄՍ
Համաձայն Պարետի թույլտվության՝ ՀՀ ուսումնական հաստատություններում սովորող Վրաստանի 592 քաղաքացու հնարավորություն կտրվի մուտք գործել ՀՀ տարածք՝ սեպտեմբերի 15-ից…
Դավիթ Տոնոյանն ընդունել է Վրաստանի դեսպանին. Քննարկել են պաշտպանության ոլորտում հայ-վրացական համագործակցությունը
Հաշվի առնելով երկու երկրների անվտանգության ապահովման փոխկապակցվածությունը՝ մտքեր են փոխանակվել նաև տարածաշրջանային վերջին զարգացումների շուրջ...
Մնացականյանը իր զորակցությունն է հայտնել Վրաստանի ԱԳ նախարարին՝ Դուշեթի շրջանում ողբերգական վթարի կապակցությամբ
Արտգործնախարարներն անդրադարձել են երկկողմ օրակարգի մի շարք հարցերի՝ կարեւորելով բազմաոլորտ համագործակցության հետագա…