News
Լրահոս
News
Ուրբաթ
Մարտ 29
Տեսնել լրահոսը

Կյանքից հեռացել է Ռուսաստանի եւ աշխարհի առաջատար գիտնականներից մեկը՝ միջուկային եւ ճառագայթային անվտանգության ոլորտի մասնագետ Ռաֆայել Հարությունյանը: Այս մասին ՏԱՍՍ-ին հայտնել է Ռուսաստանի ԳԱ Ատոմային էներգետիկայի անվտանգ զարգացման խնդիրների ինստիտուտի ներկայացուցիչը, որտեղ հետազոտողն աշխատել է:

«Խոր վշտով հայտնում ենք, որ դեկտեմբերի 9-ին երկարատեւ հիվանդությունից հետո կյանքից հեռացել է ականավոր գիտնական Ռաֆայել Հարությունյանը: Հրաժեշտ տալու ժամի եւ տեղի մասին կհաղորդվի լրացուցիչ»,- ասել է նա:

Ռաֆայել Հարությունյանը 1978 թվականին ավարտել է Մ.Վ. Լոմոնոսովի անվան ՄՊՀ ֆիզիկայի ֆակուլտետը, դոկտորական ատենախոսությունը պաշտպանել է ֆիզիկա-մաթեմատիկական գիտությունների ոլորտում:

1985 թվականին իր գիտական աշխատության համար ստացել է գիտության եւ տեխնիկայի ոլորտում Լենինյան կոմերիտմիության մրցանակ: 2014 թվականին դարձել է գիտության եւ տեխնիկայի ոլորտում Ռուսաստանի Դաշնության կառավարության մրցանակի դափնեկիր՝ Ռուսաստանի բնակչության եւ տարածքի ճառագայթային անվտանգության ապահովման մեթոդների եւ տեխնոլոգիաների մշակման ու ներդրման համար:

Ռաֆայել Հարությունյանը ԱԷԿ-ներում, այդ թվում՝ Չեռնոբիլի ԱԷԿ-ում ծանր վթարների հետազոտության ոլորտի առաջատար ռուսաստանցի մասնագետներից մեկն էր:

ՌԳԱ Ատոմային էներգետիկայի անվտանգ զարգացման խնդիրների ինստիտուտում նա զբաղվել է ճառագայթային վթարների ռադիոլոգիական հետեւանքների կանխատեսման համակարգչային համակարգերի մշակմամբ եւ ճառագայթային ու բնապահպանական ռիսկերով բնակչության պաշտպանության հանձնարարականների մշակմամբ, մասնակցել է միջուկային եւ ճառագայթային անվտանգության ոլորտում խոշորագույն միջազգային նախագծերին, եղել է տարբեր գիտատեխնիկական խորհուրդների անդամ, «Ռոսատոմի» հանրային խորհրդի եւ Ռուսաստանի կառավարությանն առընթեր Փորձագիտական խորհրդի անդամ: Գիտնականը հրապարակել է 170-ից ավելի գիտական աշխատություններ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ-ում մինչեւ 2025թ. մտադիր են առաջին անգամ ատոմային էլեկտրակայան վերագործարկել
ԱՄՆ դաշնային կառավարությունը մտադիր է վերագործարկել ատոմային էլեկտրակայան...
Չինաստանի, ԱՄԷ եւ Թուրքիայի բանկերում բարդացրել են վճարումները ռուսական նավթի համար. Reuters
Բանկերում պահանջները խստացվել են...
«Հայկական Ատոմային էլեկտրակայան» -ն ու «Ռուսատոմ սերվիս»-ը ստորագրեցին հովացման համակարգերին առնչվող պայմանագիր
Ամբողջ ծրագիրը շահագործման ժամկետի երկարացման առաջին փուլով  է ներդրված…
«Ռոսատոմ»-ը կարող է Հայաստանին 50-1000 ՄՎտ հզորությամբ միջուկային ռեակտորներ առաջարկել. Կիրիլ Կոմարով 
Նրա խոսքով, Հայաստանի իշխանություններն իրենք են որոշելու, թե որ բլոկն ընտրել...
Գազամատակարարման պլանային դադարեցում Վանաձորում, Ալավերդիում, Գեղարքունիքի մարզի որոշ բնակավայրերում
«Գազպրոմ Արմենիա» ՓԲԸ-ն տեղեկացնում է, որ պլանային աշխատանքներ…
Պորտուգալիայում կառուցվել է Եվրոպայի ամենամեծ արևային էլեկտրակայանը
Cerca-ն համալրված է ավելի քան 310 հազար երկդիմաց արևային մարտկոցներով...
Ամենաշատ