ՀՀ Ազգային ժողովն այսօր՝ դեկտեմբերի 10-ին, ընդունեց 2016 թվականի ապրիլին ծավալված ռազմական գործողությունների հանգամանքները ուսումնասիրող քննիչ հանձնաժողովի գործունեության ժամկետը երկարաձգելու մասին ԱԺ որոշման նախագիծը։
Կողմ քվեարկեց 97 պատգամավոր, 4 պատգամավոր կողմ լինելու մասին նամակ էր ներկայացրել։
Ընդունվեց նաև Արարատի և Արմավիրի մարզերում Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեի, դրա կառուցվածքային ստորաբաժանումների և ջրային տնտեսության ծրագրերի իրականացման գրասենյակի գործունեության արդյունավետությունն ուսումնասիրող քննիչ հանձնաժողովի լիազորությունների ժամկետը երկարաձգելու մասին որոշման նախագիծը։
Կողմ քվեարկեց 98պատգամավոր, 5 պատգամավոր կողմ լինելու մասին նամակ էր ներկայացրել։