News
Լրահոս
News
Հինգշաբթի
Դեկտեմբեր 09
Տեսնել լրահոսը

Անվտանգության տեսակետից Հայկական ատոմային էլեկտրակայանը գնահատվում է ամենաբարձր միջազգային ստանդարտներով, ուստի ադրբեջանական կողմը կարող է այս առումով չմտահոգվել: Այս մասին դեկտեմբերի 10-ին լրագրողների հետ զրույցում ասաց տարածքային կառավարման եւ ենթակառուցվածքների նախարար Սուրեն Պապիկյանը՝ անդրադառնալով կայանի հնարավոր փակման հարցին:

Նախարարի խոսքով՝ ԱԷԿ-ի շահագործման եւ նրա անվտանգության հարցերը քննարկվում են, այդ թվում՝ միջազգային գործընկերների հետ, եւ այս պահին չկա էներգիայի այլընտրանքային աղբյուր, որը կկարողանար ԱԷԿ-ը փոխարինել:

Նա նշեց, որ այսօր ԱԷԿ-ն բավարարում է Հայաստանի էլեկտրաէներգիայի պահանջի 40 տոկոսը, իսկ արդիականացման համապատասխան աշխատանքներ կատարելուց հետո այս ցուցանիշը կարող է հասնել մինչեւ 50 տոկոսի: «Հայաստանի համար ԱԷԿ-ն ունի ռազմավարական կարեւոր նշանակություն, եւ մեր միջազգային գործընկերները պետք է այս հարցին ըմբռնումով մոտենան»,- շեշտեց Պապիկյանը:

Նախարարը պարզաբանեց, որ նախատեսվում է շահագործման ժամկետը երկարացնել մինչեւ 2026 թվականը, իսկ պարբերաբար արդիականացնելու դեպքում այն կարելի է երկարացնել նաեւ մինչեւ 2036 թվականը:

Հիշեցնենք, որ օրերս «Եվրանեսթի» Խորհրդարանական վեհաժողովում Հայկական ԱԷԿ-ը փակելու հարցը բարձրացնելու ադրբեջանական պատվիրակության փորձը  ձախողվել է հայկական պատվիրակության ջանքերով:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Եվրոպայում գազի գները կտրուկ աճել են
Գազի գներն աճում են այն լուրերի ֆոնին, որ ԱՄՆ-ն կձգտի արգելափակել «Հյուսիսային հոսք 2» գազատարը, եթե Ռուսաստանը ներխուժի Ուկրաինա...
ԱՄՆ-ը վաճառել է Իրանից առգրաված 26,7 մլն դոլարի նավթը
Իրանական նավթն առգրավվել էր ամերիկյան նավատորմի կողմից Արաբական ծովում...
Իրանը պատրաստ է էլեկտրացանցերը միացնել Ադրբեջանին եւ Ռուսաստանին
Նրա խոսքով՝ իրականացվել են տեխնիկական-տնտեսական հիմնավորումներ Իրանի, Ադրբեջանի եւ Ռուսաստանի միջեւ էներգետիկ համագործակցության․․․
Նավթն էժանանում է
Brent տեսակի նավթի փետրվարյան ֆյուչերսներն էժանացել են 0.28 տոկոսով՝ հասնելով 75.23 դոլարի բարելի դիմաց...
Եվրոպայում 1000 խոր. մետր գազի գինը նորից ավելի բարձր է 1100 դոլարից
Եվրոպայում գազի գնի ընդհանուր աճը կազմում է մոտ 5 տոկոս...
Deutsche Bank-ը նավթի` բարելի դիմաց 60 դոլարից ցածր գին է կանխատեսել
Գների ներկայիս մակարդակի համեմատ նավթը կթանկանա ավելի քան 100 տոկոսով...
Ամենաշատ