Թուրքիան կարող է պատասխանել ռուսական ՀՕՊ Ս-400 համակարգերի գնման համար ԱՄՆ պատժամիջոցներին, այդ թվում «Ինջիրլիք» ավիաբազայի վերաբերյալ, ասել է Թուրքիայի ԱԳՆ ղեկավար Մեւլութ Չավուշօղլուն, տեղեկացնում է ՌԻԱ «Նովոստի»-ն։

«Ինջիրլիք» ավիաբազան Ադանայի նահանգում (Թուրքիայի հարավ) օգտագործում է ամերիկյան ՌՕՈւ-ն։

 «Մենք կգնահատենք ամենավատ սցենարը եւ որոշում կկայացնենք։ Եթե ԱՄՆ-ը Թուրքիայի դեմ պատժամիջոցներ մտցնի, ապա կարող է օրակարգ մտնել «Ինջիրլիք» եւ «Քյուրեջիք» ավիաբազաների հարցը»,- ասել է Չավուշօղլուն A haber հեռուստաալիքի եթերում։

Հրթիռային հարձակման մասին վաղ իրազեկման ռադիոտեղորոշիչ կայանը, որը Եվրոպայում ՆԱՏՕ ՀՀՊ համակարգի մասն է եւ գտնվում է Քյուրեջիքի շրջանում (Մալաթիա, Թուրքիայի հարավ-արեւելք), շարք է մտել 2012 թվականին։ Դրա գործունեությունն ապահովում են ԱՄՆ ԶՈւ զինծառայողները։