News
Լրահոս
News
Երեքշաբթի
Դեկտեմբեր 07
Տեսնել լրահոսը


Լեռնային Ղարաբաղի հակամարտության կարգավորման բանակցային գործնթաց չկա, ինչպես եւ չի եղել վերջին 10-15 տարիներին: Այս մասին դեկտեմբերի 11-ին Երեւանում մամուլի ասուլիսի ժամանակ ասաց Արցախի նախկին պետնախարար, «Ազատ հայրենիք» կուսակցության ղեկավար եւ Արցախի նախագահի թեկնածու Արայիկ Հարությունյանը:

Նրա խոսքով՝ եղել են հանդիպումներ, սակայն դրանք չի կարելի անվանել բանակցություններ՝ բանակցային գործընթացում Արցախի բացակայության պատճառով: Ինչպես հավաստեց Հարությունյանը, այժմ հայկական կողմի դիրքորոշումը խստացել է՝ կապված Արցախի ժողովրդի ինքնորոշման իրավունքի ճանաչման անհրաժեշտությունն առաջին պլան մղելու հետ: Արցախի անկախությունն ու ինքնորոշումը չի կարող քննարկվել կամ բանակցությունների թեմա լինել: Ապագան կախված կլինի այն հանգամանքից, թե դա ինչպես կընկալվի Ադրբեջանի եւ ԵԱՀԿ ՄԽ-ի կողմից, նշեց Հարությունյանը: Ընդ որում՝ նա հայտարարեց, որ ոչ միայն Մադրիդյան, այլեւ նախկինում քննարկված բոլոր բանաձեւերն այս դիրքորոշումը չեն արտահայտել, պարունակել են ինչ-որ մշուշոտ ձեւակերպումներ: «Արցախի ժողովուրդը մշտապես դեմ է արտահայտվել Մադրիդյան սկզբունքներին: Չի կարող քննարկվել ձեւակերպում, որն անընդունելի է առաջին հերթին Արցախի ժողովրդի համար: Հայաստանում եւ Արցախում իշխանությունը, որը հանդես կգա անընդունելի որոշման այդպիսի տարբերակի օգտին, կա՛մ պետք է հրաժարվի բանակցություններից, կա՛մ՝ իշխանությունից»,- հավաստիացրեց Արայիկ Հարությունյանը:

Հարությունյանն անթույլատրելի է համարում Արցախի իշխանություններին եւ ադրբեջանցի փախստականների ներկայացուցիչներին հավասարեցնելու փորձերը: Սակայն հանրավոր համարում է նրանց մասնակցությունը բանակցություններին՝ պայմանով, որ ճանաչվելու է Արցախի ինքնորոշման իրավունքը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանի որոշ դեսպաններ դեսպանընկալ երկրներում շատ վտանգավոր թեզ են առաջ տանում. Սուրեն Սարգսյան
Ընդունող երկրներում սա ընկալվում է Արցախից ամբողջությամբ հրաժարվելու դիրքորոշում, որին…
ԵԱՀԿ ՄԽ համանախագահները ողջունում են ղարաբաղյան կարգավորման հարցում Ռուսաստանի միջնորդությունը. Լավրով
«Ռուսաստանի, ԱՄՆ-ի եւ Ֆրանսիայի նախարարները՝ որպես ԵԱՀԿ Մինսկի խմբի համանախագահող երկրներ, ղարաբաղյան կարգավորման վերաբերյալ հայտարարություն են ընդունել...
Միրզոյանը հանդիպել է ԱՄՆ պետքարտուղարի հետ․ հանգամանալից անդրադարձ է կատարվել ԼՂ հակամարտությանը
Քննարկվել են միջազգային եւ տարածաշրջանային անվտանգությանն առնչվող հարցեր․․․
Վարչապետն ընդունել է Ռամկավար ազատական կուսակցության ներկայացուցիչներին․ անդրադարձ է եղել նաեւ ԼՂ հիմնախնդրին
Քննարկվել են նաեւ Հայաստան-Սփյուռք կապերի ամրապնդմանը, կառավարության ծրագրերին վերաբերող մի շարք հարցեր․․․
Միջխորհրդարանական միության վեհաժողովում ԱԺ նախագահն անդրադարձել է ԼՂ հակամարտության լուծման անհրաժեշտությանը
Ելույթում անդրադարձ է եղել նաեւ երիտասարդության, Հայաստանում լրատվամիջոցների ազատության, կանանց իրավունքների հարցերին…
Հույսներս մենք ենք ու մեր սարերը. միջազգային հանրությանը քիչ է հետաքրքրում Արցախի հարցը. Էդմոն Մարուքյան
Նա ընդգծել է`պետք է լավ աշխատանք տանել նաև միջազգային հարթակներում...
Ամենաշատ