News
Լրահոս
News
Հինգշաբթի
Մարտ 28
Տեսնել լրահոսը

Ներկայացված օրենսդրական փաթեթը ուղղված է սնանկության համակարգում բարեփոխումների իրականացմանը։ Այս մասին Պետաիրավական հարցերի խորհրդարանական մշտական հանձնաժողովի նիստում, «Սնանկության մասին» օրենքում փոփոխություններ եւ լրացումներ կատարելու մասին օրինագծերի փաթեթի քննարկման ընթացքում, դեկտեմբերի 11-ին ասաց Հայաստանի արդարադատության փոխնախարար Ռաֆիկ Գրիգորյանը։

Նրա խոսքով, օրենսդրական փաթեթը բավական երկար քննարկվել է խորհրդարանական խմբակցությունների եւ շահագրգիռ կառույցների ու գերատեսչությունների շրջանակում։

Համաձայն օրենսդրական նախաձեռնության, կանոնակարգվում է սնանկացման ճանաչման գծով կառավարիչների ընտրության եւ նրանց հանդեպ կարգապահական պատասխանատվության կիրառման գործընթացը։

«Բացի այդ, փոփոխությունների կենթարկվեն նրանց ծառայությունների վճարման մեխանիզմները»,- պարզաբանել է Գրիգորյանը՝ ավելացնելով, որ փոփոխությունների կենթարկվեն նաեւ անձանց, ընկերությունների կամ կազմակերպությունների սնանկ ճանաչման ժամկետները։

Նշենք, որ Հայաստանի կառավարությունը սնանկացման համակարգի երկարատեւ բարեփոխման պարտավորություն է վերցրել։ Հետազոտության արդյունքների հիման վրա մշակվել են սնանկացման ոլորտի բարեփոխման ճանապարհային քարտեզ եւ գործողությունների ծրագիր՝ սնանկության ոլորտի համապարփակ բարեփոխումների օրակարգի մշակմանն օժանդակելու համար։ Մշակվել է նաեւ սնանկության մասին գործերի կառավարման էլեկտրոնային պլատֆորմի տեխնիկական նկարագիրը։ Վերջինով նախատեսվել է, որ սնանկության գործերի կառավարման  էլեկտրոնային հարթակը կապահովի գործընթացների թվայնացումը՝ կապված սնանկության վարույթի հետ՝ սկսած վարույթի հարուցումից մինչեւ գործի ավարտը։ Այդ պլատֆորմի միջոցով կիրականացվեն փաստաթղթաշրջանառությունը, իրազեկումը, տեղեկատվության փոխանակումը՝ կապված սնանկության վարույթի հետ, ինչպես նաեւ վիճակագրական տվյալների հավաքումը։ Վարույթի մասնակիցները հնարավորություն կունենան հետեւելու վարույթի ընթացքին, դատարանը հնարավորություն կունենա կառավարել վարույթը էլեկտրոնային միջոցով։ Սնանկության կառավարիչների ընտրության եւ նշանակման գործընթացը նույնպես կիրականացվի այդ պլատֆորմի միջոցով։ Դա հնարավորություն կտա ստեղծել հատուկ միջավայր վարկատուների օնլայն-ժողովների անցկացման եւ քվեարկության համար։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունները
Էկոնոմիկայի նախարար Գևորգ Պապոյանը մարտի 27-ին ընդունել է Հարավային...
Սյունիքի, Լոռու, Կոտայքի, Գեղարքունիքի մարզերի 33 ազդակիր բնակավայրերին կհատկացվի ռոյալթիների 2 տոկոսը. Սանոսյան
2021 թվականին մեր մետաղական հանքերը բյուջե են վճարել 52 միլիարդ դրամ ռոյալթի, հիմա սա այդ 52 միլիարդի 2 տոկոսն է, և այսպես՝ ամեն տարի: Հաջորդ...
«Էդվանստ այթի տեքնոլոջիս»-ը և «Քորասոֆթ Սոլուշնս»-ը ներառվեցին «ԷԿՈՍ» ազատ տնտեսական գոտու շահագործողների ռեեստրում
«Էկոս» ազատ տնտեսական գոտում շահագործողների գործունեությունը հնարավորություն կընձեռի ներգրավել ներդրումներ, խթանել բարձր և նորարարական տեխնոլոգիաների...
Կառավարությունը սահմանեց թեմատիկ հարկային ստուգումների մեթոդաբանությունը և ռիսկայնությունը
Կառավարությունն իր այսօրվա՝ մարտի 28-ի նիստում ընդունեց որոշում, որով...
2024-ին խմելու ջրի սակագինը չի փոխվի. Կառավարությունը կսուբսիդավորի մեկ քմ-ի դիմաց 206 դրամից 5,5 դրամը
Ըստ այդմ, 2024-ի պետական բյուջեի միջոցներից Ընկերությանը կտրամադրվի սուբսիդիա...
Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ
Նշված տարբերակներից որևէ մեկով արդեն իսկ գործող կամ ակտիվ էլեկտրոնային նույնականացման և էլեկտրոնային ստորագրության առկայության դեպքում լրացուցիչ...
Ամենաշատ