News
Լրահոս
News
Երեքշաբթի
Մարտ 19
Տեսնել լրահոսը

ԱՄՆ-ում հրատարակվող «в новом свете» ռուսալեզու ամենաազդեցիկ շաբաթաթերթը 1998 թվականի հունիսի 11-ի իր համարում անդրադարձ է կատարում Լևոն Տեր-Պետրոսյանի կլանի և Հայաստանից նրանց արտահանած ֆինանսական միջոցների մասին։ Այս մասին գրում է Politik.am–ը։

«Մամուլում հաճախ են հայտնվում հրապարակումներ 90-ականների տեր-պետրոսյանական իշխանության անօրինականության մասին հրապարակումներ։ Որքան էլ հրապարակումները շատ են, միևնույնն է, դրանք շրջանցում են առաջին նախագահ Տեր-Պետրոսյանին և նրա մերձավորներին։ Ավելին, ստեղծվել է տպավորություն, որ 90-ականների մեծ թալանը առանց Լևոն Տեր-Պետրոսյանի գիտության է տեղի ունեցել, ինչը միանշանակ այդպես չէ։

ԱՄՆ-ում հրատարակվող «в новом свете» ռուսալեզու ամենաազդեցիկ շաբաթաթերթը 1998 թվականի հունիսի 11-ի իր համարում անդրադարձ է կատարում Լևոն Տեր-Պետրոսյանի կլանի և Հայաստանից նրանց արտահանած ֆինանսական միջոցների մասին։ Շաբաթաթերթի զրուցակիցը ՀՀ ԱԱԾ աշխատակից է եղել, ով իր անվտանգությունից ելնելով հեռացել է Հայաստանից։ Լրագրողը նրան հանդիպել է Մոսկվայում, որտեղ անհրաժեշտ տեղեկատվությունը ՀՀ ԱԱԾ աշխատակիցը փոխանցել է լրատվամիջոցին։

Ըստ հրապարակման, Տեր-Պետրոսյանը իր մտերիմների միջոցով 90-ականների կեսերին կարողացել է երկրից դուրս հանել ավելի քան 153 մլն ԱՄՆ դոլար (խմբ․ հասկանալու համար գումարի մեծությունը փաստենք, որ այդ տարիներին Երևանի կենտրոնում ամենալավ բնակարանը արժեր 6000 ԱՄՆ դոլար)։ Ըստ պարբերականի, Տեր-Պետրոսյանի մտերիմները այդ գումարներով անշարժ գույք են գնում եվրոպական երկրներում և, մասնավորապես, Ֆրանսիայում։

ԱՄՆ-ում հրապարակվող ռուսալեզու այս պարբերականի հրապարակումը գալիս է փաստելու այն խոսակցությունները, ըստ որի, երբ 1999 թվականին ՀՀ վարչապետ Վազգեն Սարգսյանը մեկնել էր ԱՄՆ, նրան ԱՄՆ-ում ցույց էին տվել նորանկախ Հայաստանի միլիոնատերերի ցուցակը, դա նրան սաստիկ ջղայնացրել էր, վիրավորել էր, թե ինչու ինչ-որ մի ամերիկացի պետք է ասի, որ հայերը, ընդ որում՝ իր ընկերները, փող են գողացել ու շատ են գողացել: Ամերիկացիները հստակ ցույց էին տվել, որ պատերազմի և արհավիրքի միջով անցնող Հայաստանը, անցել է նաև չտեսնված թալանի միջով։ Ըստ ամենայնի, նաև հենց Տեր-Պետրոսյանի մտերիմների դուրս հանած գումարների մասին էին փաստեր ներկայացրել Հայաստանի վարչապետին։

Հետաքրքիր է, որ  Տեր-Պետրոսյանի նման ահռելի կարողության տիրապետելու մասին հրապարակումներ չեն եղել, անգամ այս հրապարակումը կարծես աննկատ է մնացել հայկական մամուլի համար։ Եվ հիմա, երբ իշխանությունները խոսում են պետությունից գողացված միջոցների վերադարձի մասին, ապա կարծում ենք՝ այս հրապարակումը օգտակար կլինի, որպեսզի Տեր-Պետրոսյանից հարցնեն, թե որտեղից և ուր է տարվել 153 մլն դոլարը։ Եվ սա այն դեպքում, երբ այդ տարիներին Հայաստանի մեկ տարվա բյուջեն կազմում էր ընդամենը 300 մլն դոլար»,– գրում է կայքը։

Տպել
Կարդացեք նաև
Ամբողջը
«Ժողովուրդ». Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ
Ապա՝ նույն ժամանակահատվածում, պիտանի ինքնաշեն պայթեցման սարքը տեղադրել են Գյուլբենկյան...
«Փաստ».  Բնակիչների հետ հանդիպում, որպես այդպիսին, չի եղել. ի՞նչ են ասել Փաշինյանին Նոյեմբերյանում
Այսինքն, իրական հանդիպում «բնակիչների հետ», որի ժամանակ մարդիկ իրենց կարծիքն ուղիղ կասեին Նիկոլ...
«Հրապարակ». Հանրահավաքը կպառակտի՞, թե՞ կմիավորի
Սակայն պարզվում է, որ որոշ արցախյան գործիչներ վախենում են, թե ՀՀ իշխանությունը «կօգտագործի» առիթը...
«Ժողովուրդ». Վարչապետի եւ ԱԺ նախագահի եղբայրները բիզնեսմեններ են. Փաշինյանը խաբել է. մաս 184
Իշխանափոխությունից հետո Ազգային ժողովի նախագահ Ալեն Սիմոնյանի եղբայրը՝ Կառլեն Սիմոնյանը, տնօրեն է...
«Հրապարակ». Ինչ է քննարկվել ՔՊ խմբակցության փակ նիստում
Ի դեպ, այդ համաձայնագրով եվրադիտորդներին անսահմանափակ իրավունքներ եւ լայն անձեռնմխելիություն է...
«Փաստ». Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով
Որպեսզի տնային տնտեսությունների պայմաններում կարողանանք եկամուտն ավելացնել, պետք է կա՛մ մի քանի...
Ամենաշատ