News
Լրահոս
News
Հինգշաբթի
Մայիս 19
USD
457.49
EUR
481.19
RUB
7.22
Տեսնել լրահոսը

Կոռուպցիայի դեմ պայքարում Հայաստանի իշխանությունների ջանքերը ընդունելով՝ Կոռուպցիայի դեմ պայքարի պետությունների խումբը (ԳՐԵԿՕ) նշում է, որ անհրաժեշտ է ներդնել ավելի շատ ջանքեր, քանի որ Հայաստանում իրավիճակը դեռեւս լիովին չի համապատասխանում փորձագետների հանձնարարականներին: Այս մասին նշված է Եվրոպայի խորհրդի հայտարարության մեջ:

Այսպիսով, Հայաստանն ամբողջությամբ կատարել է 18 հանձնարարականներից 7-ը, որոնք պարունակվում են ԳՐԵԿՕ-ի զեկույցում: Մնացյալ 11 հանձնարարականները մասնակի են կատարվել:

Քանի որ նոր Ազգային ժողովը ստեղծվել է անցյալ տարվա դեկտեմբերին, օրինագծերի, դրանցում փոփոխությունների եւ կոմիտեների նիստերի արձանագրությունների մեծ մասը հրապարակվում են համընդհանուր հասանելի վեբկայքում, մինչդեռ, ինչպես ԳՐԵԿՕ-ն նշել է, հրապարակումները պետք է ավելի հետեւողական լինեն:

ԳՐԵԿՕ-ն բարձր է գնահատում կոմիտեների նիստերի թափանցիկությունը. 2019 թվականի մայիսից նիստի բացումը հեռարձակվում է եթերով: Բայց պատգամավորները նախկինի պես չունեն վարքագծի համընդգրկուն կոդեքս, որը կհամապատասխաներ ազնվության, հսկողության համակարգի եւ իրավակիրառության հետ կապված հարցերով համապատասխան հանձնարարականներին:

Միաժամանակ, ԳՐԵԿՕ-ն ողջունում է նոր Դատական օրենսգիրքը, որը դատավորների համար ազնվության որոշ երաշխիքներ է նախատեսում: Օրինակ՝ դատավորների տեղափոխումը կամ վերագործուղումը հիմա հնարավոր է միայն նրանց համաձայնությամբ: Ներառվել են դատավորների գործունեությանը չհիմնավորված միջամտության դեմ պայքարի մասին ընդլայնված դրույթներ, բայց անհրաժեշտ է ավելին անել՝ պրակտիկայում այս ստանդարտների կիրառումն ապահովելու համար:

Փրձագետները նշում են առաջընթացը դատավորներին անձնակազմի հավաքագրման որոշակի որոշումները դատարանում վիճարկելու հնարավորություն տրամադրելու հարցում, սակայն դեռեւս պետք է ներդնել կարգապահական հարցերում բողոքարկելու պատշաճ մեխանիզմ: ԳՐԵԿՕ-ում բարձր են գնահատում դատախազների ընտրության թափանցիկությունը եւ ողջունում են  էթիկայի հարցերով մասնագիտացված պարտադիր թրենինգը: Սակայն դատախազների կոնֆիդենցիալ խորհրդատվությունը պետք է իրականացվի կարգապահական մեխանիզմներից առանձին:

ԳՐԵԿՕ-ն ուշադիր հետեւում է իրադարձությունների զարգացմանը՝ կապված վերջերս ստեղծված հակակոռուպցիոն հանձնաժողովի հետ, որը պետք է ապահովի արդյունավետ հսկողություն եւ ակտիվների հայտարարագրման կանոնների պահպանում: ԳՐԵԿՕ-ն ընդգծել է, որ քաղաքական ազդեցությունից եւ ճնշումից այս ինստիտուտի անկախությունը «առանցքային» է, իսկ դրա պատշաճ գործունեությունը կախված է հավասարակշռված ու հաստատուն կազմից եւ թափանցիկ ընթացակարգերից:

Այս հարցում ԳՐԵԿՕ-ի հանձնարարականները պետք է կատարվեն ամբողջությամբ, ամփոփում է հայտարարությունը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԲԴԽ-ում ընդունել են ԵԽ երևանյան գրասենյակի ներկայացուցիչներին
Քննարկման մասնակիցները պայմանավորվածություն են ձեռք բերել համանման հանդիպումները շարունակական դարձնելու և առկա համագործակցությունը...
«Որոշ երկրներ կրոնն օգտագործում են որպես գործիք». ԵԽԽՎ-ում Արմեն Գևորգյանը ներկայացրել է զեկույցի նախագիծ
ԵԽԽՎ գարնանային նստաշրջանի ընթացքում ՀՀ ԱԺ Տարածաշրջանային…
Ազգային ինքնորոշման պատմականորեն ընդգծված ձգտումները շարունակելու են ազդեցություն ունենալ Եվրոպայում. Արմեն Գևորգյան
Ակնհայտ է, որ նոր Եվրոպան մինչ այժմ չի կարողացել գտնել ժողովուրդների ինքնորոշման իրավունքի ամենախելամիտ եւ նորագույն լուծումը...
Ճիշտ ժամանակն է ընդունելու ԵԽ-ի համար Լիսաբոնի պայմանագրի մեր սեփական տարբերակը. Արմեն Գեւորգյանը՝ ԵԽԽՎ-ում
Պետք է մտածենք՝ ինչպես դասեր քաղել այն ամենից, թե Եվրամիությունն ինչ վերաբերմունք է ցույց տալիս իր անդամներին ժողովրդավարական ճանապարհից հետ կանգնելու համար...
Եվրոպայի խորհուրդը պատրաստ է հարթակի դեր խաղալ Հայաստանի եւ Ադրբեջանի միջեւ հարաբերությունների կարգավորման գործընթացում
Ընդ որում, Լեռնային Ղարաբաղի «գազային շրջափակման» հարցը չի քննարկվել․․․
Ադրբեջանը շարունակում է չկատարել ՄԻԵԴ-ի որոշումները
Նախորդ տարի Ադրբեջանը հասցված վնասը փոխհատուցել է 51 գործով, սակայն միայն 23 դեպքում է ժամանակին վճարվել փոխհատուցումը...