Երեւանում դեկտեմբերի 13-ին տեղի է ունենում ռուս-հայկական «Լազարյան ակումբի» երրորդ նիստը՝ «Ռուս-հայկական երկխոսությունը երկու երկրների ակտուալ սոցիալական եւ քաղաքական գործընթացում. Ռուսաստանի եւ Հայաստանի ԶԼՄ-ները. անկեղծ խոսակցություն» թեմայով։

Նիստի նպատակը երկխոսության ապահովումն է երկու երկրների լրագրողական հանրույթների կապերի զարգացման հեռանկարների եւ իրողությունների մասին, անկեղծ խոսակցությունն այն մասին, թե ինչպես զարգացնել հարաբերությունները Ռուսաստանի եւ Հայաստանի միջեւ տարածաշրջանում հասարակական-քաղաքական իրավիճակի համատեքստում, եւ ինչ դեր են դրանում խաղում զանգվածային լրատվամիջոցները։

Նիստին հրավիրված են ռուսաստանցի եւ հայ լրագրողներ, դաշնային եւ երկու երկրների տարածաշրջանային ԶԼՄ-ների մեդիա-մենեջերներ, Ռուսաստանի եւ Հայաստանի խորհրդարանականներ, հայտնի քաղաքական գործիչներ, գիտնականներ, մշակույթի ներկայացուցիչներ, հասարակական գործիչներ։