News
Լրահոս
News
Շաբաթ
Ապրիլ 13
Տեսնել լրահոսը


Հայոց ցեղասպանության վերաբերյալ Սենատի 150-րդ  բանաձևի հետևանքները քաղաքական են, իրավական ազդեցություն բանաձևը չունի, բայց քաղաքական շատ մեծ նշանակություն ունի։ Այս մասին այսօր՝ դեկտեմբերի 13-ին, լրագրողների հետ զրույցում ասաց «Լուսավոր Հայաստան» խմբակցության ղեկավար Էդմոն Մարուքյանը։

«Միացյալ Նահանգների Սենատը երեկ պատմական բանաձև է ընդունել, որն առաջին անգամ է Սենատում ընդունվում։ Հիշում եք՝ բոլոր նախկին փորձերը արտաքին հարաբերությունների հանձնաժողովից այն կողմ չի անցել, վիժեցվել են։ Այս առումով շատ կարևոր է, որ ԱՄՆ օրենսդիր մարմինը ամբողջությամբ ճանաչել և դատապարտել է Հայոց ցեղասպանությունը։  ԱՄՆ Կոնգրեսը բաղկացած է Ներկայացուցիչների պալատից և Սենատից, Ներկայացուցիչների պալատը ընդունել էր թիվ 256 բանաձևը, Սենատն ընդունեց 150 բանաձևը, որից հետո մնում է գործադիր իշխանությունը հետևի օրենսդիր իշխանության կամքին, որը կարծում եմ ժամանակի հարց է, բայց սա կարող է լավ խթան հանդիսանալ աշխարհի տարբեր երկրների պառլամենտներում սկսած և դեռևս չավարտված նմանատիպ բանաձևերի ընդունման գործում»,-նշեց նա։

Մարուքյանը շեշտեց՝ ԱՄՆ գործող նախագահ Դոնալդ Թրամփն այն նախագահն է, որը երբեք չի խոսել Ցեղասպանությունը ճանաչելու մասին, բայց նրա օրոք ԱՄՆ Կոնգրեսը ճանաչել է Հայոց ցեղասպանությունը․ «Ինչ վերաբերում է նախընտրական շրջանին, ես կարծում եմ՝ իմփիչմենթի գործընթացը չի հասցվի ավարտին և նախագահ Թրամփը կվերընտրվի, Սենատը նրան կպաշտպանի։ Թրամփն այն նախագահն է, որը երբեք չի խոսել Ցեղասպանությունը ճանաչելու մասին, բայց նրա օրոք ԱՄՆ Կոնգրեսը ճանաչել է Հայոց ցեղասպանությունը, սա հետաքրքիր հանգամանք է։ Իսկ մնացած թեկնածուները, որոնք խոստանում են, որ կընդունեն և կճանաչեն Ցեղասպանությունը,  այդ խոսքն այլևս այդքան էլ զորեղ չէ, որքան ժամանակին էր, քանի որ այլևս կա Կոնգրեսի 2 բանաձևերը»։

Նա շեշտում է նաև՝ Թուրքիայի պահվածքը շատ կարևոր է․ «Նաև Թուրքիայի պահվածքով է պայմանավորված մեր հաջողությունները Կոնգրեսում, այսինքն՝ մեծ կռիվ է գնում, այդ կռվի մեջ մենք մեր խնդիրները առաջ ենք տանում»։

Մարուքյանը հավելեց նաև՝  սա գործընթաց է, որով հասնում ենք նրան, որ Ցեղասպանությունը դառնում է անբեկանելի, անքննարկելի փաստ։

«Նորություն չէ, որ Թուրքիան պետք է ճանաչի և գործություններ անի,  ոչ թե այլ երկրների անելիքներով կարող է Թուրքիան ինչ-որ բան անել, բայց առաջադեմ երկրների կողմից ընդունումը իր ազդեցությունն է ունենում է Թուրքիայում կարծիքի ձևավորման վրա և թուրքական հասարակությունում ևս մեկ անգամ սկսում են քննարկումներ, բանավեճեր։

Կարծիք կա, և սրա մասին խոսել է նաև Հրանտ Դինքը, որ այսպիսի բանաձևերը ազդում են Թուրքիայում ազգայնականության զարգացման վրա, հակառակ էֆեկտ է ունենում Թուրքիայի ներսում, սա էլ է կարծիք, սա էլ կա։ Ես վստահ չեմ կարող ասել, որ սա վատ ազդեցություն ունի Թուրքիայի ներսում, որովհետև ամեն նման դեպքով մարդիկ վերջիվերջո իրենց հարց են տալիս՝ արդյոք մենք մեղք ունե՞նք, թե՞ չէ, պե՞տք է մեր պատմությունը քննարկենք, թե՞ ոչ»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Սիդնեյում ապրիլի 21-ին հայկական, հունական և ասորական համայնքների ներկայացուցիչները Արդարության երթ կանցկացնեն
Քայլերթի կազմակերպչական հանձնաժողովի անդամ Նանոր Շոկայանը, ով նաև Ավստրալիայի  հայկական երիտասարդական ֆեդերացիայի գործադիր մարմնի...
Լոս Անջելեսի շրջանային վերահսկիչ խորհուրդն Ապրիլի 24-ը հռչակել է Հայոց ցեղասպանության հիշատակի օր
Առաջարկը ներկայացվել է Փասադենան ներկայացնող վերահսկիչ Քեթրին Բարգերի…
Ցեղասպանության թանգարան-ինստիտուտի գիտաշխատողները տարբեր երկրների արխիվների ուսումնասիրության աշխատանքներ են կատարում
Այս գործուղումների արդյունքում առանձնացված նյութերը սկզբնաղբյուրային նշանակություն ունեն Հայոց ցեղասպանության պատմության տարբեր դրվագների...
Վրացի խորհրդարանականներն այցելել են Ծիծեռնակաբերդի հուշահամալիր
Հյուրերը ծաղիկներ են խոնարհել Հայոց ցեղասպանության զոհերի հիշատակը...
Թուրքիան երբեք չի ճանաչել Հայոց ցեղասպանությունը եւ շարունակում է պանթյուրքական օրակարգը Կովկասում. Լեմկինի ինստիտուտ
Թուրքիան երբեք չի ճանաչել Հայոց ցեղասպանությունը...
Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր
Հյուրերը շրջեցին նաև Հայոց ցեղասպանության թանգարանում, ՀՑԹԻ ավագ էքսկուրսավար Հասմիկ Մարտիրոսյանի ուղեկցությամբ ծանոթացան մշտական...
Ամենաշատ