News
Լրահոս
News
Երեքշաբթի
Փետրվար 27
Տեսնել լրահոսը

«Հանուն Արցախի» համազգային շարժումը հայտարարություն է տարածել, որում ասված է. «Սույն թվականի դեկտեմբերի 10-ին ՀՀ Ազգային ժողովի արտաքին հարաբերությունների մշտական հանձնաժողովի նախագահի տեղակալ, «Իմ քայլը» խմբակցության պատգամավոր Հովհաննես Իգիթյանը, լրագրողների հետ հանդիպման ժամանակ, պատասխանելով Արցախի հիմնախնդրի լուծման ՀՀ իշխանությունների մոտեցումներին, նշել է, որ վարչապետ Նիկոլ Փաշինյանը «որևէ խնդիր չի տեսնում, որ Ալիևի հետ միասին որևէ պատվիրակության անդամ, այդ թվում նաև Լեռնային Ղարաբաղի ադրբեջանական, չգիտեմ, համայնքը, թե իրենց ժառանգները, թե իրենք իրենց Լեռնային Ղարաբաղի ադրբեջանական համայնք համարող մարդիկ գան իր հետ պատվիրակության մեջ»:

Չնայած վարչապետ Փաշինյանը հրապարակավ կողմ չի արտահայտվել, որպեսզի  Լեռնային Ղարաբաղի ադրբեջանական համայնքի ներկայացուցիչները բանակցությունների ընթացքում հանդես գան որպես բանակցային կողմ, սակայն ո՛չ նրա մամուլի խոսնակը, ո՛չ նրա աշխատակազմի ղեկավարը, և ո՛չ էլ Արտաքին գործերի նախարարությունը չարձագանքեցին Հովհաննես Իգիթյանի արտահայտած վերոնշյալ մտքին: Սա հիմք է տալիս գնահատելու այդ հանգամանքը՝ որպես  Իգիթյանի կողմից ԼՂ հիմնախնդրի լուծման բանակցային ԼՂ ԵԱՀԿ Մինսկի խմբի ձևաչափի փոփոխության մասին արտահայտած մտքերի հաստատում:

Տարիներ շարունակ Ադրբեջանը ձգտել է, որպեսզի Լեռնային Ղարաբաղի ադրբեջանական համայնքի ներկայացուցիչների  ձևաչափով հանդես եկող անձիք դառնան հակամարտության բանակցային կողմ:

Սակայն, առ այսօր, այդ անձանց չի հաջողվել մասնակցել բանակցություններին, քանի որ բանակցային գործընթացում ներգրավված բոլոր երկրները պետք է տային իրենց համաձայնությունը: Հայաստանը մշտապես դեմ է արտահայտվել նրանց այդ ցանկությանը:

Փաստորեն, պատգամավոր Հովհաննես Իգիթյանը, ի լուր աշխարհի, հայտարարում է, որ Հայաստանն այլևս չի խոչընդոտի Ադրբեջանի իշխանությունների ցանկությանը՝ Լեռնային Ղարաբաղի ադրբեջանական համայնքի, որպես հակամարտության բանակցային կողմ ճանաչելու մասին՝ դրանով իսկ սպասարկելով Ադրբեջանի պետական շահերը՝ ի հաշիվ Արցախի և Հայաստանի ժողովրդի:

Արձանագրելով սույն իրողությունը` որպես ակնհայտ սպառնալիք՝ ուղղված Արցախի Հանրապետության անվտանգությանը, դիմում ենք Արցախի Հանրապետության նախագահ Բակո Սահակյանին, որպեսզի վերջինս վերահաստատի 2016 և 2019 թվականներին իր արտահայտած տեսակետը վերոնշյալ խնդրի կապակցությամբ, ինչին հակընդդեմ է Հայաստանի ներկայիս իշխանավորների արտահայտած մոտեցումը:

Կոչ ենք անում Արցախի Հանրապետության հերոսներին, Մարտական խաչի ասպետներին, գեներալներին, սպայակազմին, արցախյան ազատամարտի մասնակիցներին, կուսակցություններին, հասարակական կազմակերպություններին և նախաձեռնություններին, ինքնիշխան Արցախի արժանապատիվ քաղաքացիներին, համայն հայությանը՝ դատապարտել Արցախի Հանրապետության ազատությունն ու ինքնիշխանությունը վտանգող որևէ դրսևորում և հավաքական կերպով չեզոքացնել հայկական երկրորդ պետությանը նետված ցանկացած սպառնալիք»։

Տպել
Կարդացեք նաև
Ամբողջը
Մարուքյանը ուշագրավ փաստեր է հրապարակել Խոջալուի դեպքերի հետ կապված՝ վկայակոչելով Ադրբեջանի 1-ին նախագահի հարցազրույցը
Ադրբեջանի առաջին նախագահ Այազ Մութալիբովը հայտարարել է, որ «Խոջալուի վրա հարձակումը անակնկալ հարձակում չէր»։ 1992 թվականին ռուսական...
Արցախի հարցի լուծումն ավելի է բարդացել, այն այսօր դարձել է արդեն բուն Հայաստանի գոյության հարցը. Ավետիք Չալաբյան
Երևանում և Ստեփանակերտում խաղաղ հանրահավաքների դուրս եկած մարդիկ դեռ չէին էլ ենթադրում, որ Խորհրդային Միությունը մտել է իր փլուզման անկասելի...
Թող Տերը իմաստություն և արթնություն տա բոլորիս մտքերին, որ ամեն մի հայ կարևորություն տա ազգային խնդիրներին․ Արցախի թեմ
Հայ Առաքելական Եկեղեցու Արցախի թեմի ուղերձը՝ Արցախյան շարժման 36-ամյակի…
Մեր պետական համակարգը վերածվել է բազմաթիվ օտար ուժերի՝ ձեռքից ձեռք անցնող խաղալիքի. Լևոն Զուրաբյան
88-ի Խորհուրդը ողջ է, իսկ Հաղթանակի գաղտնիքը՝ նույնը...
Ոչ ոք իրավունք չունի մոռացության մատնել առաջինը և ներել երկրորդը. Արտակ Զաքարյան
1988թ. փետրվարի 20-ին սկիզբ առած Արցախյան համազգային շարժումը հիմք դրեց Հայաստանի հանրապետության անկախության, ազատ Արցախի հիմնադրման...
Այսօր լրանում է Արցախյան շարժման 36-ամյակը
Փետրվարի 27-29 Ադրբեջանի Սումգայիթ քաղաքում կազմակերպվեց հայ բնակչության կոտորած, որն ուղեկցվում էր սպանություններով...
Ամենաշատ