News
Լրահոս
News
Չորեքշաբթի
Հունվար 22
USD
479.33
EUR
531.82
RUB
7.75
ME-USD
0.05
Տեսնել լրահոսը

Ողջունում եմ նոր մոտեցումները եւ թեզերը ղարաբաղյան կարգավորման հարցում, մանավանդ եթե  դրանք հակառակ կողմին դնում են դժվար կացության մեջ, բայց այս հարցին պետք է զգույշ  եւ հնարավոր հետեւանքների համապատասխան խոր վերլուծությամբ մոտենալ։ Այս մասին լրագրողների հետ հանդիպմանը դեկտեմբերի 13-ին ասաց «Ժառանգություն» կուսակցության խորհրդի նախագահ Րաֆֆի Հովհաննիսյանը՝ մեկնաբանելով ղարաբաղյան կարգավորման բանակցային գործընթացը։

Նրա խոսքով՝ ցանկացած հայտարարություն՝ ուղղված Բաքվի դիրքերի թուլացմանը, կարող է բումերանգի պես շրջվել հայկական կողմի դեմ։

Հովհաննիսյանը, մասնավորապես, հիշեցրեց, որ Ռուսաստանի արտաքին գործերի նախարար Սերգեյ Լավրովը Բաքու կատարած այցելության ընթացում մատնանշել էր, որ անհրաժեշտ է հաշվի առնել հակամարտության բոլոր կողմերին, մասնավորապես՝ Ղարաբաղում ապրող համայնքներին, ինչը չի բխում հայկական կողմի շահերից, քանի որ Փաշինյանը խոսում էր հակամարտության մեջ ներգրավված բոլոր ժողովուրդների շահերի հաշվառման մասին՝ հայերի, արցախցիների եւ ադրբեջանցիների։

Այսպիսով, ինչպես կարծում է քաղաքական գործիչը, Ադրբեջանը հնարավորություն է ստացել առաջ տանել խնդրի լուծման իր տեսլականը, այն է՝ բանակցային գործընթացում ներգրավել Ղարաբաղի այսպես կոչված ադրբեջանական համայնքը։

«Մեր վարչապետը շատ խորհրդականներ ունի, բայց նրանք միշտ չէ, որ կարող են լավ խորհուրդ տալ։ Նրանք պետք է հասկանան, որ յուրաքանչյուր որոշումից շատ բան է կախված, որ ցանկացած որոշում կարող է բումերանգի պես շրջվել մեր դեմ։ Եվ ահա այս անգամ մեր թեզը, որոշ ժամանակ հետո, ինչպես փչացած հեռախոսի դեպքում, մեր դեմ շրջվեց այլ ձեւով։ Ուստի, ես կոչ եմ անում ավելի զգույշ եւ հեռատես լինել, գնահատել բոլոր հնարավոր ռիսկերը»,- պարզաբանել է Հովհաննիսյանը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄՆ-ը ողջունում է Հայաստանի եւ Ադրբեջանի ԱԳՆ ղեկավարների՝ 2020-ի սկզբին հանդիպելու մտադրությունը
Ադրբեջանի եւ Հայաստանի արտգործնախարարները մտադիր են հանդիպել...
Ղարաբաղյան կարգավորման քայլերի իրականացման հարցում շարժ կա. ՌԴ ԱԳՆ
Որոշակի շարժ ղարաբաղյան հակամարտության կարգավորման հարցում...
Հայաստանում երկրաշարժի ժամանակ ադրբեջանցիները մեզ շնորհավորում էին. նախկին բաքվեցի
Ադրբեջանցիները մեզ շնորհավորում էին երկրաշարժի առիթով, ասում է բաքվեցի կինը...
Բաքվում հայերի ջարդի կազմակերպման գործում մեծ է Հեյդար Ալիեւի դերը. փորձագետ
Ստոլյարովն իր գրքում բերում է Ալիեւի խոսքն այն մասին, որ չպետք է արյունից վախենալ, եւ այն որքան շատ լինի, այնքան լավ կլինի…
ՀՀ ԱԳՆ արձագանքը՝ ՀՀ և Ադրբեջանի ԱԳ նախարարների հանդիպման մասին Մամեդյարովի հայտարարությանը
ՀՀ ԱԳՆ-ն յուրաքանչյուր հանդիպման մասին տեղեկացնում է ընդունված կարգով՝ ԵԱՀԿ Մինսկի խմբի համանախագահների միջոցով բոլոր մանրամասների համաձայնեցումից հետո...
«Ֆրանսիա-Արցախ» բարեկամության շրջանակի հաղորդագրությունը՝ Բաքվի ջարդերի 30-ամյա տարելիցի կապակցությամբ
Անկախությունը արցախցիների կյանքի իրավունքի միակ երաշխիքն է...