News
Լրահոս
News
Երեքշաբթի
Հոկտեմբեր 19
Տեսնել լրահոսը

ԵՄ առաջնորդները ողջունել են վարչապետ Բորիս Ջոնսոնի հաղթանակը, սակայն նախազգուշացրել, որ ԵՄ եւ Մեծ Բրիտանիայի միջեւ հարաբերությունների շուրջ բանակցությունները շատ բարդ ընթացք կունենան, հաղորդում է AP-ը:

Ջոնսոնը ջախջախիչ հաղթանակ է տարել ընտրությունների արդյունքում, ինչը թույլ կտա նրան իրականացնել իր խոստումն ու դուրս բերել Մեծ Բրիտանիային ԵՄ կազմից հունվարի վերջում:

ԵՄ երկրների 27 առաջնորդներ կոչ են արել արագորեն վավերացնել բրեքզիթի շուրջ համաձայնագիրը բրիտանական նոր խորհրդարանի հետ, որպեսզի հետագա հարաբերությունների շուրջ բանակցությունները սկսվեն անցումային փուլում, որը կտեւի մինչեւ հաջորդ տարվա դեկտեմբերը:

«Դա շատ բարդ կլինի: Խոսքը վերաբերում է առեւտրի, ոլորտում բազմաթիվ հարաբերություններին, անվտանգության եւ արտաքին քաղաքականության ոլորտում համագործակցությանը»,-հայտարարել է Գերմանիայի կանցլեր Անգելա Մերկելը: «Մեր ամենամեծ խոչընդոտը կլինի այն, որ մեզ պետք է շատ արագ լուծում գտնել այդ խնդիրների համար: Մենք պետք է արդեն հունիսին որոշենք՝ ցանկանում ենք արդյոք երկարաձգել բանակցությունների ժամանակաշրջանը: Բրիտանիան հայտարարել է, որ չի ցանկանում երկարաձգել այն»:

Գագաթնաժողովի նախագահ Չարլզ Միշելը հայտարարել է, որ ԵՄ-ը ցանկանում է շատ հզոր ռազմավարական հարաբերություններ ունենալ Մեծ Բրիտանիայի հետ բրեքզիթից հետո: «Սակայն ԵՄ-ը պատրաստ է պաշտպանել սեփական շահերն ու առաջնորդվել դրանցով: Խաղի հավասար կանոնները շատ կարեւոր են»,-ասել է նա:

ԵՄ 27 առաջնորդների համատեղ հայտարարության մեջ նշվում է, որ Մեծ Բրիտանիայի հետ ապագա հարաբերությունները պետք է հիմնված լինեն իրավունքների եւ պարտավորությունների բալանսի վրա ու ապահովեն հավասար պայմաններ:

ԵՄ-ի կողմից առեւտրային համաձայնագրերի կնքումն այնպիսի երկրների հետ, ինչպիսիք են Հարավային Կորեան ու Կանադան, տեւել է 5-9 տարի: ԵՄ-ի բարձրաստիճան պաշտոնյաներն ասում են, որ Ջոնսոնի ծրագիրը չի համընկնում ԵՄ կանոնների հետ եւ կարող է բարդացնել բանակցային գործընթացը:

Ֆրանսիայի նախագահ Էմանուել Մակրոնը հայտարարել է, որ որքան Բրիտանիան որոշի ազատականացնել իր տնտեսությունը բրեքզիթից հետո, այնքան կկորցնի իր՝ ԵՄ միասնական շուկային հասանելիությունը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ խորհուրդը կքննարկի Արեւելյան գործընկերության ծրագրի ամրապնդումը եւ համագործակցությունը Պարսից ծոցի երկրների հետ
Երկուշաբթի Լյուքսեմբուրգում նախարարները կկենտրոնանան ԱլԳ երկրների վերականգնման վրա COVID-19 համավարակից հետո...
Եվրամիությունն ու Չինաստանն առաջիկայում գագաթնաժողով կանցկացնեն
«Ինչ վերաբերում է ԵՄ-Չինաստան հարաբերություններին, չնայած տարաձայնություններին, երկխոսությունը դեռեւս որոշիչ նշանակություն ունի»,-հայտարարել է նա Twitter-ում: «Համաձայնություն է ձեռք բերվել անցկացնել ԵՄ-Չինաստան գագաթնաժողովն ու ամրապնդել մեր երկխոսությունը»,-գրել է նա՝ չնշելով ամսաթվերը...
Իրանը դեռեւս պատրաստ չէ վերադառնալ համաշխարհային գերտերությունների հետ բանակցություններին. ԵՄ
«Նրանք պնդում են, որ չեն ցանկանում բանակցել պարզապես բանակցելու համար, նրանք ցանկանում են խոսել գործնական արդյունքներով եւ վերջնական համաձայնության մասին, թե ինչպես կյանքի կոչել ՀՀԳԾ-ն...
Եվրոպան կարող է դիմակայել Չինաստանի վերելքին, եթե միասնական լինի. Մերկել
«Եվրոպան որքան միասնական է, այնքան ուժեղ է»...
ԵՄ առաջնորդները խոստացել են աջակցել Ուկրաինայի «էներգետիկ անվտանգությանը»
Ստորագրել են համաձայնագրեր․․․
ԵՄ-ն պատրաստ է միջնորդ լինել Հայաստանի եւ Ադրբեջանի միջեւ, եթե կողմերը ցանկանան. Անդրեա Վիկտորինի
Եվրամիությունը պատրաստ է նաեւ դեմարկացիայի և դելիմիտացիայի դեպքում խնդիրներ ծագելիս միջնորդ լինել, եւ կրկին եթե Հայաստանն ու Ադրբեջանը տան իրենց համաձայնությունը...
Ամենաշատ