News
Լրահոս
News
Շաբաթ
Հունվար 18
USD
479.61
EUR
533.71
RUB
7.81
ME-USD
0.06
Տեսնել լրահոսը

Ես հրաժարական չեմ տվել, այդ միտքն անընդհատ պտտվում է, եթե իշխանափոխությունը չլիներ էլ, ես չէի առաջադրվելու, մինչեւ վերջ կշտացել էի ֆուտբոլից։ Այս մասին 168TV-ի «Պրեսսինգ» հաղորդման ընթացքում ասել է ՀՖՖ նախկին նախագահ Ռուբեն Հայրապետյանը։

«Ով ուզում է դառնալ ՀՖՖ նախագահ, թող չդառնա, որովհետեւ այդպիսի անշնորհակալ աշխատանք չկա, հավաքականը հաղթում է, ասում են՝ ապրեն ֆուտբոլիստներն ու մարզիչը, հավաքականը պարտվում էր, աշխարհի ամենավատ մարդը Հայրապետյան Ռուբենն էր: Իմ ամենասիրած խաղն էր, բայց հիմա հեռուստացույցով չեմ էլ ուզում նայել, երբ ֆուտբոլ է, որովհետեւ ֆուտբոլի երեսից ես այնքան եմ տուժել ու կորցրել։ Իմ երեխեքի միլիոնավոր դոլարները տարել դրել եմ ֆուտբոլի մեջ, թող գնան ստուգեն։ Հավաքականը չարտերային թռիչքներով թռել է տարբեր երկրներ, թող ստուգեն՝ ֆեդերացիան վճարե՞լ է այդ չվերթների համար, թե՞ ոչ: 4 արտասահմանցի մարզիչներ ենք ունեցել, թող մի հատ տեսնեն՝ այդ մարզիչներին մի կոպեկ վճարե՞լ է ֆեդերացիան: Ես կապել եմ այնպիսի պայմանագրեր, որ ֆեդերացիան այլեւս փողի կարիք չի ունեցել։ Մարդուն անհասկանալի մեղադրանքներ են հնչեցնում, որը միայն կառուցել է։ Դե թող կառուցեն... Լավ, ես ամենավատն եմ ձերբակալեք ինձ, ի՞նչ է, հավաքականը դադարելո՞ւ է պարտություններ կրել, թե՞ էլի ես էի մեղավոր, որ 9:1 պարտվեցին։

Երբ հավաքականը պարտվեց, ասում են՝ 20 տարի քանդել են ֆուտբոլը, 3 օր հետո հավաքականը Մակեդոնիային հաղթում է, այսինքն՝ 3 օրվա քանդածը սարքեցին»,- ասաց  Ռուբեն Հայրապետյանը։

Հայրապետյանը նշեց, որ ՀՖՖ–ում Արմեն Մելիքբեկյանին ու Արմեն Նիկողոսյանին աշխատանքի ընդունելն իր ճակատագրական սխալն է եղել. «Ֆուտբոլային հանրությունը կարող է ինձ մեղադրել։ Ներողություն եմ խնդրում Սուրեն Բաղդասարյանից, որ իրեն չեմ լսել։ Արմեն Նիկողոսյանն ու Արմեն Մելիքբեկյանը միշտ երազել են ՀՖՖ նախագահին մոտիկից տեսնել, հիմա ինչի՞ են հավակնում: Նիկողոսյան Արմենին էնքան լավ բան եմ արել, իրեն, իր ընտանիքին...»։

Նա պատմեց, որ Արմեն Մելքիբեկյանին ինքն է աշխատանքից հանել ֆեդերացիայի հատկացրած գումարներն այլ բաների վրա ծախսելու համար. «Նա Իսպանիայից եկավ եւ հայտարարեց, որ իր քարտը գողացել են եւ վրայի գումարները քաշել են։ Ես էդ գումարները փակել եմ ու ասել եմ՝ ռադդ քաշի գնա։ Երբ Վանեցյանի ընտրություններն էր, ու ինքը գործկոմի անդամ էր ընտրվում, նույնիսկ կոշիկի տակ չուներ, այն հենց այդ ժամանակ պոկվեց, ծիծաղի առարկա էր դարձել»։

Գործարարն ասաց, որ ներկայումս մի ֆուտբոլիստի չեն կարողանում մի ակումբից բերել հավաքական. «Ինչ կա իմ ստեղծած ֆուտբոլիստներն են։ Փյունիկում քանի՞ հայ է խաղում։ Եղել եմ այդքան տարի ՀՖՖ-ի նախագահ, գրել եմ ֆուտբոլի զարգացման ծրագիր, այդ ծրագրով շարժվել ենք, հավաքականը տասնյակ հաղթանակներ է տարել»։

Անդրադառնալով ՀՖՖ-ի նախագահի 3 թեկնածուներին՝ Հայրապետյանը նշեց, որ Արմեն Նիկողոսյանն իրավունք չունի ՀՖՖ նախագահի թեկնածու առաջադրվելու, որովհետեւ վերջին 5 տարվա ընթացքում 2 տարի անընդմեջ չի զբաղվել ֆուտբոլով. «Երկու թեկնածուներն էլ «ֆեյք» են։ Սակայն իշխանությունների կողմից ոչ մի արձագանք չկա։ Կատարվում է բացահայտ անօրինականություն ֆուտբոլում, բայց ես խոսք եմ տալիս ֆուտբոլ չեմ վերադառնա։ Արմենը Մելիքբեկյան, Վանեցյան, Թովմաս Գրիգորյան, Արմեն Նիկողոսյանը մի թիմ են եղել, որոնք իմ դեմ են պայքարել։ Արմենը Մելիքբեկյանը ՀՖՖ-ն դարձրել է իր սեփականությունը, աներ, զոքանչ հավաքականի հետ թռնում են Լյուքսեմբուրգ։ Որոշել էի ֆուտբոլից հեռու մնամ, բայց սրանից հետո, առավոտից իրիկուն խոշորացույցով հետեւելու եմ Արմեն Նիկողոսյանի եւ Արմենը Մելիքբեկյանի աշխատանքին»։

Հայրապետյանի կարծիքով՝ ՀՖՖ նախկին նախագահ Արթուր Վանեցյանի նախագահ ընտրվելուն կողմ է եղել, քանի որ մտածել է՝ այդ պաշտոնին պետք է լինի «ազդեցիկ» պետական պաշտոնյան.

«Ինչու եմ ուզել, որ Վանեցյանը լինի, որովհետեւ սիրելով ֆուտբոլը, մտածել եմ՝ թող լինի այնպիսի ուժեղ պաշտոն ունեցող պետական պաշտոնյա, որովհետեւ գիտեի ֆուտբոլի բարքերը։ Իրականում Արմեն Նիկողոսյան– Արմեն Մելիքբեկյան փոքրիկների զույգն է ղեկավարել Վանեցյանի՝ ՀՖՖ նախագահ եղած շրջանում։

Նայեք, մի իրավիճակ է լինում, որ ակումբի տերերից մեկը, բարձրախոսը վերցնում ու ասում է՝ հանեք դուրս այս թիմին, որովհետեւ մրցավարն իմ սրտով չի ու հանում է, խաղը՝ տապալում։ Բոլոր սորոսականներին բերել, լցրել է ՀՖՖ։ Ում ես վռնդել եմ ֆեդերացիայից, մտցրել է ֆեդերացիա։ Ո՞ւմ են դրել գլխավոր մարզիչ, էն մարդուն, որը Ռոման Բերեզովսկիի, Հարություն Վարդանյանի, Սարգիս Հովսեփյանի ներկայությամբ ինձ զանգել է եւ ինձ 1 միլիոն դոլար փող էին առաջարկում՝ խաղը Հունաստանին ծախելու համար, ու այդ մարդուն Հունաստանի խաղին նրան դնում են երկրորդ մարզիչ՝ Երվանդ Սուքիասյանին։ Ձայնագրությունները մինչեւ հիմա պահում եմ, թե ինչպես էր ինձ փորձում կաշառել։ Վանեցյանը կարող էր չիմանալ, բայց Արմեն Նիկողոսյանն ու Արմենը Մելիքբեկյանը գիտեին։ Իմ ժամանակ էն մարդիկ, ովքեր մեղադրվել են տատալիզտրի մեջ, իմ կողմից խիստ պատժվել են, սկսած Գյումրիի ակումբի մարզիչներից, հիմա այդ մարդիկ ֆեդերացիայում շոկոլադի մեջ են»։

Տպել
Ամենաշատ