Չինական Changan ընկերությունը ցույց է տվել Eado սեդանի հերթական տարբերակը: Նորույթը հիմնված է երկրորդ սերնդի մոդելի վրա, սակայն ստացել է ամբողջովին նոր սրահ եւ թափքի այլ ձեւավորում: Չափսերով Eado-ն ակտուալ Volkswagen Jetta-ից փոքր-ինչ խոշոր է. չինական մոդելի երկարությունը 4730 միլիմետր է, անիվների հիմքը՝ 2700 միլիմետր, գրում է Մոտոր-ը:
Նոր Eado-ն ընկերության կողմից ստացել է Eado Plus անունը եւ հեշտությամբ տարբերվում է արտաքինից ծավալուն ռադիատորային ցանցի միջոցով, որը փակցված է լուսադիոդային լուսարձակների վրա, ինչպես նաեւ բամպերի, 17-դյույմանոց դիսկերի եւ հետեւի համարանիշի այլ ձեւով ամրացման միջոցով: Ի տարբերություն նախորդ տեսակի՝ չափսերը ենթարկվել են աննշան փոփոխության. երկարությունն ավելացել է 20 միլիմետրով, իսկ բարձրությունը պակասել 50 միլիմետրով անփոփոխ անվային հենքի պարագայում:
Սրահում Changan Eado Plus-ը որոշ նյուանսներ փոխառել է Mercedes-Benz-ից. չինական սեդանը համալրված է տեղեկատվական-ժամանցային համակարգով միավորված 10.25 դյույմանոց էկրաններով, ինչպես MBUX-ում է: Թոփ-տարբերակի դեպքում ավելացվել է կաշվե սրահ, առջեւի նստատեղերի էլեկտրակարգավորումներ, ինտերիերի երկգույն ձեւավորում, պանորամային տանիք, լայնածավալ տեսադաշտի տեսախցիկներ եւ քրուիզ-քոնթրոլ:
Կառուցվածքի առումով Changan Eado Plus-ը կրկնում է «հին» մոդելը. շարժիչների գամման ունի ընդհանուր առմամբ 128 ձիաուժ եւ 1.6 հզորություն, ինչպես նաեւ 1.4 տուրբոշարժիչ (158 ձիաուժով): Ավտոմեքենան համադրված է հնգաստիճան մեխանիկական եւ վեցաստիճան ավտոմատ փոխանցման տուփերով: Մեքենայի հիդրոհաղորդակը տեղադրվել է առաջնային հատվածում:
Չինաստանում վաճառքը կմեկնարկի 2020 թվականին: Արժեքը դեռեւս չի հայտարարվել, սակայն արտադրողը չի խոստանում թանկացում առանց Plus-ի՝ սովորական մոդելների համեմատ, որոնք արժեն 72-104 հազար յուան (10300-148000 դոլար):