Մեծ Բրիտանիայի վարչապետ Բորիս Ջոնսոնի գլխավորությամբ Պահպանողական կուսակցության հաղթանակը ոգեւորել է ԱՄՆ-ի նախագահ Դոնալդ Թրամփին, գրում է Independent-ը:
Թրամփը հայտարարել է, որ դա մեծ նշանակություն կունենա ԱՄՆ-ի համար:
«Դա նշանակում է շատ առեւտուր, հսկայական ծավալով առեւտուր: Նրանք մեզ հետ բիզնես վարելու այնքան մեծ ցանկություն ունեն»,-լրագրողներին հայտարարել է Թրամփը:
Ավելի վաղ ԱՄՆ-ի նախագահը ջերմորեն շնորհավել էր Բրիտանիայի վարչապետին թվիթերյան իր միկրոբլոգում գրառման միջոցով:
Նախկինում երկու կողմերը բազմիցս հայտարարել են երկու երկրների միջեւ համաձայնագիր կնքելու պատրաստակամության մասին:
