News
Լրահոս
News
Երեքշաբթի
Դեկտեմբեր 01
USD
506.4
EUR
606.82
RUB
6.65
ME-USD
0.01
Տեսնել լրահոսը

SHAMSHYAN.com-ի տեղեկություններով, ոստիկանության Երևան քաղաքի վարչության քրեական հետախուզության բաժնի, ոստիկանության Կենտրոնական բաժնի քրեական հետախուզության և անչափահասների գործերով բաժանմունքների ծառայողները՝ համատեղ իրացնելով ստացված օպերատիվ տվյալները, պարզել են երեկ՝ դեկտեմբերի 14-ին, դանակահարվելուց հետո «Էրեբունի» բժշկական կենտրոն տեղափոխված անձանց ամբողջական տվայլները, և թե որտեղից են նշված տեղափոխվել հիվանդանոց:

Ոստիկաններն ու Հայաստանի քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի խումբը պարզել են, որ նույն օրը՝ ժամը 13:20-ի սահմաններում, Խորենացու փողոցի 29 հասցեում գտնվող Ոսկու շուկայի մոտ, վիճաբանություն է տեղի ունեցել Երևան քաղաքի Նորագյուղ թաղամասի բնակիչ, 17-ամյա Մարտիկ Ո.-ի և Երևանի բնակիչներ 18-ամյա Հովսեփ Մ.-ին, 17-ամյա Սերգեյ Ղ.-ին և 18-ամյա Էմիլ Կ.-ին միջև: Մարտիկ Ո.-ն կասկածվում է նշված անձանց դանակահարելու մեջ։ Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական համատեղ գործողություններ՝ կասկածյալ Մարտիկ Ո.-ին և հանցագործության գործիք հանդիսացող դանակը հայտնաբերելու ուղղությամբ:

Հիշեցնենք՝ երեկ՝ դեկտեմբերի 14-ին, արտակարգ դեպք էր տեղի ունեցել Երևանում: Ժամը 16:40-ի սահմաններում «Էրեբունի» բժշկական կենտրոն էին տեղափոխվել 3 պատանի: Հիվանդանոց էր մեկնել ոստիկանության Կենտրոնական բաժնի օպերատիվ խումբը։Ոստիկանները պարզել էին, որ վիրավորներն են՝ 17-ամյա Սերգեյ Ղ.-ն, 18-ամյա Հովսեփ Մ.-ն, ովքեր հիվանդանոց են տեղափոխվել կրծքավանդակի կտրած-ծակած վերք ախտորոշմամբ և 18-ամյա Էմիլ Կ.-ն, ով վնասվածք է ստացել դաստակի և ականջի մասում: Վիրավորներից Սերգեյ Ղ.-ն և Հովսեփ Մ.-ն գտնվում էին վերակենդանացման բաժանմունքում, իսկ Էմիլ Կ.-ն առաջին բուժօգնությունը ստանալուց հետո հրաժարվել էր մնալ հիվանդանոցում: Մինչ Էրեբունու բժիշկները օգնություն էին ցուցաբերում վիրավորներին, և այդ պահի տվյալներով, բժիշկների շնորհիվ նրանց կյանքին վտանգ չէր սպառնում, Կենտրոնի ոստիկանները պարզել էին, որ նրանք հիվանդանոց են տեղափոխվել Խորենացի փողոցից:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իսպանական ոստիկանությունը Միջերկրական ծովում թմրավաճառների է հետապնդել
Ոստիկանությունը առգրավել է երկու տոննա հաշիշ՝ 66 փաթեթներում․․․
Ռուսաստանում փոխքաղաքապետի են գնդակահարել
Վարկածներից մեկի համաձայն՝ Չերնիցկու վրա որսի ժամանակ կարող էին պատահաբար կրակել․․․
«Օրենքով գող» Բադրի Կոգուաշվիլին «ոչ գողական պահվածք» է թույլ տվել երեկույթի ժամանակ
Գործակալությունը նշում է, որ ինչ-որ պահի Կոգուաշվիլին կանկան է պարել «օրենքով գող» Թենգիզ Գարցկիայի (Չիժ) հետ, ով գտնվել է ալկոհոլի ազդեցության տակ...
Մեքսիկայում գաղտնի գերեզմանում 113 մարմին է հայտնաբերվել
Գլխավոր դատախազ Հերարդո Սոլիսն ասել է, որ դատաբժշկական փորձագետներին հաջողվել է նույնականացնել 30 զոհի․․․
Թբիլիսիի բնակչին, որը պատանդ էր վերցրել 19 մարդու, մեղադրանք է առաջադրվել
Զուրաբիշվիլիի փաստաբանները պնդում են, որ տղամարդը ներխուժել է ՄՖԿ մեկնարկային ատրճանակով եւ կրակայրիչ-նռնակով...
Երկու մարդ է զոհվել Նեբրասկա նահանգում հրաձգության հետեւանքով
Երկու տուժածները հոսպիտալացվել են Նեբրասկայի համալսարանի բժշկական կենտրոնում, ընդ որում՝ եւս երկու մարդ տեղում մահացել է...