News
Լրահոս
News
Երկուշաբթի
Փետրվար 06
USD
395.53
EUR
393.43
RUB
6.42
Տեսնել լրահոսը

Թուրքիայի նախագահ Ռեջեփ Թայիփ Էրդողանը հայտարարել է, որ եթե «անհրաժեշտ լինի» թուրքական իշխանությունները ԱՄՆ-ի համար կփակեն Ինջիրլիք եւ Քյուրեջիք ռամաբազաներին հասանելիությունը, հայտնում է Haberturk-ը:

Նրա խոսքով՝ Թուրքիան իրեն վերապահում է բազաները փակելու իրավունք: «Եթե դա անհրաժեշտ լինի անել, ապա մենք կփակենք թե՛ Ինջիրլիքը, թե՛ Քյուրեջիքը»,-  հայտարարել է թուրք առաջնորդը:

«Այս 2 բազաներին ԱՄՆ հասանելիության երկարացման վերաբերյալ վերջնական որոշումը Թուրքիայի իրավունքն է: Երբ նման ամնհրաժեշտություն ունենանք, մենք նրա համար բազաները կփակենք»,- ասել է Էրդողանը:

Պենտագոնը մեկնաբանել է ռազմաբազաները փակելու մասին Էրդողանի խոսքը

Պենտագոնը ջանքեր է գործադում Թուրքիայի հետ հարաբերությունները պահպանելու համար, ԱՄՆ-ի համար Ինջիրլիքի եւ Քյուրեջիքի ռազմաբազաները փակելու հնարավորության մասին նրա ղեկավարության հայտարարությունների ֆոնին երկուշաբթի «ՌԻԱ Նովոստի»-ին հայտնել է գերատեսչության ներկայացուցիչը:

«Մենք Թուրքիայում մեր ուժերի կարգավիճակը դիտարկում ենք որպես ՆԱՏՕ-ի մեր դաշնակից եւ ռազմավարական գործընկեր Թուրքիայի հետ աշխատելու եւ նրա պաշտպանվելուն օգնելու տասնամյակների մեր պարտավորությունների խորհրդանիշ... Նախարարությունը ջանքեր է գործադրում այդ հարաբերությունները պահպանելու համար՝ միաժամանակ Թուրքիային խրախուսելով Ս-400-ի հարցում, Սիրիայի եւ այլ ուղղություններով, որտեղ տարաձայնություններ կան, ավելի կառուցողական քաղաքականություն վարելու»,- ասել է գործակալության զրուցակիցը:

Նա նշել է Աֆղանստանում, Կոսովոյում եւ Իրաքում Թուրքիայի դերը:

Ինջիրլիք բազան ԱՄՆ ռազմական օդանավերն օգտագործել են Մերձավոր Արեւելքում ռազմական գործողությունների ժամանակ: Քյուրեջիքում է գտնվում ռադիոտեղորոշման կայանը, որին նույնպես ամերիկյան զինվորականները հասանելիություն ունեն:

Էրդողանի խիստ հայտարարությունների պատճառներից մեկը ԱՄՆ Սենատում XX դարասկզբին Օսմանյան կայսրությունում Հայոց ցեղասպանության ճանաչման մասին բանաձեւի ընդունումն է: Թուրքիայի ԱԳՆ-ում այս որոշումը որակել են որպես քաղաքական բեմադրություն: Էրդողանն ինքը հայտարարել է, որ Անկարան նույն հաջողությամբ կարող է  քննարկել Ամերիկայում հնդկացիների զանգվածային զոհվելու փաստերը: Նա նաեւ հարց է հնչեցրել, թե ինչո՞ւ չի բարձրացվում Ֆրանսիայի պատասխանատվության հարցը Ալժիրում զանգվածային սպանությունների կամ Սենեգալում ստրկավաճառության համար:

Թուրքիան բազմիցս ԱՄՆ-ին սպառնացել է երկրի արեւելյան հատվածում տեղակայված Ինջիրլիք բազայի օգտագործման արգելքով: Օրինակ՝ 2016 թվականին Անկարան այս հայտարարությունները պատճառաբանում էր այն հանգամանքով, որ Միացյալ Նահանգների տարածքում է գտնվում քարոզիչ Ֆեթուլլահ Գյուլենը, ում Անկարայում համարում են հակակառավարական խռովության ոգեշնչողը: Նույն ժամանակ Թուրքիայի ԱԳ նախարար Մեւլութ Չավուշօղլուն հայտարարել էր, որ Ինջիրլիքից զինվորականները մասնակցել են պետական հեղաշրջման փորձին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստան-Մեքսիկա բարեկամական խմբի անդամներն այցելել են Ծիծեռնակաբերդի հուշահամալիր
Պետք է անել ամեն ինչ, որպեսզի համերաշխություն լինի ամբողջ աշխարհում...
Ֆրանսիայի ԱԺ նախագահի գլխավորած պատվիրակությունը այցելել է Ծիծեռնակաբերդի հուշահամալիր (ֆոտո)
Պատվիրակության անդամները ծաղկեպսակ ու ծաղիկներ են դրել Հայոց ցեղասպանության զոհերի հիշատակը հավերժացնող անմար …
Ոչ ոք՝ ո՛չ քրդերը, ո՛չ հայերը այլեւս երբեք չպետք է ենթարկվեն ցեղասպանության սպառնալիքի․ քուրդ խորհրդարանականներ
Մենք՝ քուրդ ժողովուրդս, նույնպես տուժել ենք Իրաքում ցեղասպան գործողություններից․․․
«Ընդդեմ ցեղասպանության հանցագործության» 4-րդ գլոբալ ֆորումի մասնակիցներն այցելել են Հայոց ցեղասպանության հուշահամալիր
Այցի ավարտին նրանք գրառումներ են կատարել Պատվավոր հյուրերի հուշամատյանում...
Հունաստանի կրթության փոխնախարար Եվանգելոս Սիրիգոսն այցելել է Հայոց ցեղասպանության թանգարան
«Ընդդեմ ցեղասպանության հանցագործության» 4-րդ գլոբալ ֆորումին մասնակցելու…
Նիկոլ Փաշինյանը Հայոց ցեղասպանության մասին ոչինչ չասաց ցեղասպանության կանխարգելման ֆորումին. Շավարշ Քոչարյան
1915 թվականը չկա իրենց ուղեղում...
Ամենաշատ