News
Լրահոս
News
Չորեքշաբթի
Հունվար 22
USD
479.33
EUR
531.82
RUB
7.75
ME-USD
0.05
Տեսնել լրահոսը

Արդարադատության նախարար Ռուստամ Բադասյանը  Արաբական Միացյալ Էմիրությունների մայրաքաղաք Աբու Դաբի կատարած այցի շրջանակում այսօր ելույթ է ունեցել ՄԱԿ-ի կոռուպցիայի դեմ կոնվենցիայի (UNCAC) անդամ պետությունների կոնֆերանսի 8-րդ նստաշրջանին:

Շնորհակալություն հայտնելով հրավերի ու ջերմ հյուրընկալության համար՝ նախարարը տեղեկացրել է, որ 7-րդ նստաշրջանից հետո, վերջին 2 տարիների ընթացքում, Հայաստանը քաղաքական եւ ինստիտուցիոնալ առումով անցում է կատարել դեպի ժողովրդավարություն՝ հատկապես տարբեր մակարդակներում կոռուպցիայի դեմ պայքարի ու կանխարգելման առումով: Այդ համատեքստում Ռուստամ Բադասյանն ընդգծել է, որ նոր Կառավարության գործունեությունը նվիրված է կոռուպցիայի դեմ պայքարին, օրենքի գերակայության ամրապնդմանը, կայուն հասարակության կառուցմանն ու հավելել, որ 2018 թվականի դեկտեմբերին կայացած արտահերթ խորհրդարանական ընտրությունները միջազգային եւ տեղական  դիտորդական կազմակերպությունների կողմից գնահատվել են իրապես ազատ, արդար, թափանցիկ եւ ժողովրդավարական:

Նախարարը, մասնավորեցնելով կոռուպցիայի դեմ պայքարի շրջանակում իրականացվող աշխատանքները, ներկայացրել է 2017 թվականի համեմատ 2018թ-ին կոռուպցիոն հանցագործությունների դեպքի առթիվ հարուցված քրեական գործերի վիճակագրությունը, ըստ որի՝ այն աճել է 60%-ով, ինչպես նաեւ ինստիտուցիոնալ առումով ձեռնարկված միջոցառումները՝ Հակակոռուպցիոն ռազմավարության ընդունում, Կոռուպցիայի կանխարգելման հանձնաժողովի ստեղծում, ՀԿ-ների եւ միջազգային գործընկերների առաջարկությունների հիման վրա կատարելագործված հայտարարագրման գործընթաց, հակակոռուպցիոն կրթական ծրագրերի մշակում ու իրականացում, կոռուպցիոն հանցագործությունների ազդարարման համակարգի ներդրում եւ ազդարարների պաշտպանության օրենսդրական երաշխիքների ապահովում եւ այլն:

Հակակոռուպցիոն պայքարում ՀՀ արդարադատության նախարարն ընդգծել է նաեւ իրավական ակտերի մշակման գործընթացում հասարակության ներգրավվածության ապահովման ու կրթական եւ իրազեկման միջոցառումների իրականացման կարեւորությունը:

Եվս մեկ անգամ շնորհակալություն հայտնելով հրավերի համար՝ Ռուստամ Բադասյանը հատկանշական է համարել նաեւ UNCAC- ի սկզբունքների հիման վրա մշակված, Կառավարության կողմից օրեր առաջ ընդունված ու Ազգային ժողով ուղարկված «Ապօրինի ծագում ունեցող գույքի բռնագանձման մասին» օրենքի նախագծի մշակումը, որով նախատեսված իրավական մեխանիզմը թույլ կտա բռնագանձել գույքը, որի ձեռքբերումը նախատեսված էական ծավալներով չի հիմնավորվի օրինական եկամտի աղբյուրներով:

!
Այս նյութը հասանելի է նաև   English
Տպել
Կարդացեք նաև
Ամբողջը
Կլիմայական փախստականներին չի կարելի զրկել ապաստանի իրավունքից, եթե նրանց կյանքը վտանգված է․ ՄԱԿ
ՄԱԿ-ի տվյալներով՝ մոտ 280 մլն մարդ ստիպված կլինի արտագաղթել գլոբալ տաքացման հետեւանքով․․․
Հյուսիսային Կորեան կարող է ստիպված լինել նոր ուղի ընտրել
Քանի որ Միացյալ Նահանգները անտեսում է միջուկային խնդրի շուրջ բանակցությունների վերսկսման վերջնաժամկետը,,,
ՄԱԿ աշխատանքային խումբը կդիտարկի մարդու իրավունքների հետ կապված իրավիճակը Հայաստանում
Հայաստանի պատվիրակությունը կգլխավորի փոխարտգործնախարար Արտակ Ապիտոնյանը...
Իրանը զգուշացրել է «եվրաեռյակին» ՀՀԳԾ-ը չպահպանելու դեպքում դիվանագիտական հարաբերությունների մակարդակը նվազեցնելու մասին
Խորհրդարանական մեծամասնության կողմից ստորագրված հայտարարության մեջ ասվում է, որ եթե «նրանք շարունակեն թշնամանքը Իսլամանական Հանրապետության նկատմամբ, Իրանը կնվազեցնի դիվանագիտական հարաբերությունների մակարդակը»…
Ռուսաստանը համաձայն չէ իրանական միջուկային համաձայնագրից դուրս գալու Թրամփի կոչի հետ
Կա պայմանավորվածություն, շատ լավ մշակված, փոխզիջումային, որը անհրաժեշտ է կատարել․․․
ՄԱԿ-ը ողջունում է Իրանի հարցով Թրամփի հայտարարությունը
Մենք ողջունում ենք ցանկացած հայտարարություն, որը կոչ է անում խուսափել լարվածությունից․․․
Ֆոտոռեպորտաժներ