News
Լրահոս
News
Ուրբաթ
Մարտ 29
Տեսնել լրահոսը


Պատրաստ եմ դատախազությանը նյութեր տրամադրել ստորագրության կեղծման մասին: Այս մասին դեկտեմբերի 16-ին Երեւանի ավագանու արտահերթ նիստին հայտարարեց Երեւանի ավագանու «Լույս» խմբակցության ղեկավար Դավիթ Խաժակյանը:

Խաժակյանի խոսքով՝ այդ նյութերը վերաբերում են դատախազությանն իր ուղերձին քաղաքապետ Հայկ Մարությանի բացակայության շրջանում փոխքաղաքապետ Հայկ Սարգսյանի ապօրինի որոշումների մասին: «Ըստ էության, որոշումներն ընդունվել են քաղաքապետի անունից, բայց ստորագրությունը նրանը չէ: Եթե համարում եք, որ սուտ տեղեկություն եմ տարածում, կարող եք զրպարտելու համար դատի տալ»,- հավելեց նա:

Հիշեցնենք, որ Երեւանի ավագանու նոյեմբերի 26-ի նիստում «Լույս» խմբակցության ղեկավար Դավիթ Խաժակյանը բանավոր դիմել էր դատախազություն՝ պահանջելով քրեական գործ հարուցել Երեւանի քաղաքապետարանում պաշտոնեական լիազորությունների գերազանցման վերաբերյալ: Նա պարզաբանել էր, որ Երեւանի քաղաքապետի բացակայությամբ նրա տեղակալ Հայկ Սարգսյանը մոտ 70 նորմատիվային ակտ է ընդունել քաղաքի ղեկավարի անունից, ինչն անելու իրավունք չուներ, քանի որ այդպիսի որոշումները կարող է ընդունել կա՛մ ինքը՝ քաղաքապետը, կա՛մ նրա բացակայությամբ քաղաքապետի առաջին տեղակալը:

!
Այս նյութը հասանելի է նաև   Русский
Տպել
Ամենաշատ