Գողերը թալանել են Թամարա Էքլսթոունի՝ «Ֆորմուլա-1»-ի նախկին ղեկավար, միլիարդատեր Բեռնի Էքլսթոունի դստեր ոսկյա իրերը։ Ինչպես տեղեկացվում է, կողոպուտի ընդհանուր գումարը կարող է կազմել 50 մլն ֆունտ ստեռլինգ (67 մլն դոլար), տեղեկացնում է BBC-ն։
Կողոպուտը տեղի է ունեցել անցած ուրբաթ։ Ինչպես գրում է Sun պարբերականը, թալանված իրերի մեջ է հոր հարսանեկան նվերը՝ Cartier-ի ապարանջանը 80 հազար ֆունտ արժեքով։
Լոնդոնի ոստիկանության տվյալներով՝ առայժմ ոչ ոք չի կալանավորվել կողոպուտի հետ կապված։
Թամարա Էքլսթոունը, որը մոդել է աշխատում, Forbes ամսագրի տվյալներով՝ տուն է գնել Քենսինգթոնում 2011 թվականին 45 մլն ֆունտով։ Այդ տանը, որը գտնվում է Լոնդոնի թանկարժեք շրջանում, 55 սենյակ կա։
Էքլսթոունը միլիոնավոր ֆունտ ստեռլինգներ է ծախսել տան նորոգման համար, որտեղ այժմ կա մասնավոր գիշերային ակումբ, բոուլինգ-ակումբ, լողավազան, գեղեցկության սրահ, սպա կենտրոն շների եւ վերելակ ավտոմեքենաների համար։