ԱԱԾ նախկին ղեկավար Արթուր Վանեցյանի հետ համագործակցությունը դժվար է պատկերացնելը, սակայն անհնար ոչինչ չկա։ Այս մասին այսօր՝ դեկտեմբերի 16-ին, լրագրողներին ասաց Քոչարյանի որդին՝ Լեւոն Քոչարյանը։
Հարցին՝ արդյոք իրենք պատրաստվո՞ւմ են Արցախի նախագահի թեկնածու Վիտալի Բալասանյանին իրենց աջակցությունը ցուցաբերել, Քոչարյանը պատասխանեց․ «Հայրս ասել է այն, ինչ ասել է, չունեմ ավելացնելու բան»։
Դիտարկմանը՝ Ռոբերտ Քոչարյանը չի բացառում, որ հաջորդ տարի տեղի ունենան արտահերթ խորհրդարանական ընտրություններ, արդյոք պատրաստվո՞ւմ են աջակցել գործող քաղաքական ուժերին, կամ նոր կուսակցություն հիմնել, Լեւոն Քոչարյանն ասաց. «Զրուցել ենք շատ թեմաներով, բայց չեմ կարծում, որ հիմա ժամանակն է դրա մասին խոսելու»,-ասաց Լեւոն Քոչարյանը՝ չբացառելով նոր կուսակցություն հիմնելու հնարավորությունը։
Հիշեցնենք, որ Ռոբերտ Քոչարյանը կալանավայրից տված իր հարցազրույցում կարծիք էր հայտնել, որ գալիք տարում արտահերթ ընտրություններ կլինեն։