News
Լրահոս
News
Ուրբաթ
Հունիս 14
Տեսնել լրահոսը

«Իրազեկ քաղաքացիների միավորումը» լրագրողների համար դեկտեմբերի 14-15-ն Աղվերանում կազմակերպել էր 2-օրյա սեմինար-քննարկում «Արտաքին քաղաքականություն և լուսաբանում. Ղարաբաղյան հարցի կարգավորումը» խորագրով։ Այս մասին հայտարարությունը տեղադրված էր հենց կազմակերպության ֆեյսբուքյան էջին:

«Իրազեկ քաղաքացիների միավորում» ՀԿ հիմնադիր, ծրագրերի համակարգող, Հանրային խորհրդի անդամ Դանիել Իոաննիսյանն ամփոփելով միջոցառման արդյունքները՝ ֆեյսբուքյան իր էջում գրել էր.

«Լրագրողների համար Արցախյան հակամարտության թեմայով փակ քննարկում էինք կազմակերպել, որի ժամանակ շատ բաց ու անմիջական քննարկումներ եղան ԱԳ նախարար Զոհրաբ Մնացականյանի և ԱԽ քարտուղար Արմեն Գրիգորյանի հետ:

Չհրապարակելու պայմանով՝ լրագրողները բազմաթիվ մանրամասներ իմացան արտաքին քաղաքականության տրամաբանության փոփոխությունից, անվտանգության հետ կապված որոշումների կայացման տրամաբանությունից և Արցախյան կարգավորման նուրբ մանրամասներից:

Բնականաբար, չեմ կարող պատմել, թե ինչ ենք քննարկել, բայց կարող եմ վստահաբար պնդել, որ չկա ավելի մեծ սուտ, քան «այս իշխանությունն Արցախում հող է հանձնում» թեզը, և ավելի մեծ ցինիզմ, քան, մասնավորապես, ՀՀԿ-ականների կողմից այդ թեզի շրջանառումը:

Հ.Գ. Սա մեր կազմակերպած նման ֆորմատի արդեն 9-րդ միջոցառումն է (վերջին 5 տարում)»։

«Արցախյան հակամարտության թեմայով փակ քննարկում» ձևակերպումը և այդ միջոցառմանը ԱԳ նախարարի մասնակցությունն ու քննարկումը չհրապարակելու գաղտնիությունը հասարակական ու լրատվական տարբեր շրջանակներում իրարամերժ գնահատականների արժանացան. եղան հարցադրումներ, թե ի՞նչ սկզբունքով են ընտրվել մասնակիցները:

168.am-ն   այս հարցերը հղել է ԱԳՆ խոսնակ Աննա Նաղդալյանին՝ հաշվի առնելով, որ ԱԳՆ-ն եղել է միջոցառման մասնակից կողմ, և քննարկման թեման չափազանց զգայուն է եղել:

Մեր հարցերին՝ արդյո՞ք «արտաքին քաղաքականության տրամաբանության փոփոխության, անվտանգության հետ կապված որոշումների կայացման տրամաբանության և Արցախյան կարգավորման նուրբ մանրամասների» մասին լրագրողներին հայտնելու համար ԱԳՆ-ին բավարար է եղել «չհրապարակելու պայմանը» (Դանիել Իոաննիսյանի գրառումից), և, ի վերջո, քննարկումը փա՞կ է եղել, թե՞ գաղտնի, քանի որ Դ. Իոաննիսյանը նշել էր. «Բնականաբար, չեմ կարող պատմել, թե ինչ ենք քննարկել, բայց կարող եմ վստահաբար պնդել, որ չկա ավելի մեծ սուտ, քան «այս իշխանությունն Արցախում հող է հանձնում» թեզը, և ավելի մեծ ցինիզմ, քան, մասնավորապես, ՀՀԿ-ականների կողմից այդ թեզի շրջանառումը», Աննա Նաղդալյանը պատասխանել է.

«ԱԳՆ-ում արդեն իսկ տասնամյակներ գործում է արտաքին քաղաքական տարբեր թեմաների շուրջ փակ հանդիպումներ անցկացնելու մշակույթ՝ խորհրդարանական հարթակի անդամների, հայաստանյան և օտարերկրյա փորձագիտական շրջանակների ներկայացուցիչների, ԶԼՄ խմբագիրների և լրագրողների հետ:

Այդ հանդիպումներն անցկացվում են «Չաթըմ Հաուզ» կանոններով, որոնց ժամանակ ԱԳ նախարարի կողմից պատասխանվում են արտաքին քաղաքականության վերաբերյալ հարցերին՝ հրապարակմանը ոչ ենթակա առավել բաց ձևաչափով: Սա ենթադրում է, որ առավել հանգամանալից և փորձագիտական մակարդակով պարզաբանվում են արտաքին քաղաքականության արդեն իսկ արտահայտված դիրքորոշումները: Նման հանդիպումների առաջարկները դիտարկվում են առանց որևէ խտրականության, և ԱԳՆ-ն բաց է համագործակցության շահագրգիռ շրջանակների հետ:

Այս տեսակետից տարակուսելի է, որ այս հանդիպման փաստը հարուցել է որոշ շրջանակների արձագանքներ, այն պարագայում, որ այդ նույն շրջանակների ներկայացուցիչներն արտաքին քաղաքականության վերաբերյալ բաց և փակ ձևաչափով իրենց հանդիպումները գերադասում են անցկացնել առանց ԱԳՆ մասնակցության: Հավելեմ, որ ԱԳՆ-ն ստանում է բազմաթիվ հայտեր՝ անցկացնելու նման ձևաչափով հանդիպումներ, և հնարավորության դեպքում ապահովում է պատշաճ մասնակցություն»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Համահայկական միության՝ Մարաղայի կոտորածի տարելիցին նվիրված նամակը տարածվել է որպես ՄԱԿ-ի պաշտոնական փաստաթուղթ
«Գարդման, Շիրվան, Նախիջևան» համահայկական միության՝ Մարաղայի կոտորածի 32-րդ տարելիցին նվիրված նամակը տարածվել է որպես ՄԱԿ-ի պաշտոնական...
Մարաղայի ջարդերը հայերի նկատմամբ ատելության և թշնամանքի քաղաքականության հերթական դրսևորումն է. հայտարարություն
Մարաղայի ջարդերը հայերի նկատմամբ ատելության և թշնամանքի ադրբեջանական…
Արցախի պատգամավորներին կշտամբել եմ իրենց թուլակամության համար․ Սերժ Սարգսյան
Թուլակամությունը կայանում էր նրանում, որ մամուլը ինչպես գրել էր, որ Քառօրյա պատերազմի ընթացքում Լաչինի միջանցքով մեծ խցանումներ․․․
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Ամենաշատ