Թուրքիայում խորհրդարանական ընտրություներին մասնակցող կուսակցություններն արդեն ներկայացրել են իրենց ցուցակները, որոնցում ոչ մի հայ թեկնածու տեղ չի գտել։

Փաստորեն՝  թուրքերը հերթական բլեֆն էին անում՝ խոսելով ազգային փոքրամասնությունների ներկայացուցիչներին խորհրդարանում տեսնելու անհրաժեշտության մասին։ Իսկ թուրքական մամուլն առիթը բաց չէր թողել ամեն օր հրապարակումներ ներկայացնել, թե քանի հայազգի թեկնածուներ են առաջադրելու իշխող եւ ընդդիմադիր կուսակցությունները։

Նույնիսկ քրդական «Խաղաղություն եւ ժողովրդավարություն» կուսակցությունը հրաժարվեց հայ թեկնածու ներկայացրել, չնայած նշվում էր, որ կուսակցության համանախագահ Սելահաթին Դեմիթաշն առաջարկել էր, ոչ միայն հայ, այլ նաեւ մյուս ազգային փոքրամասնությունների ներկայացուցիչների ներկայացնել որպես պատգամավորության թեկնածու։

Թուրքիայում մոտ 50 տարի է, ինչ որեւէ հայազգի չի անցել խորհրդարան։