Հայաստանի երկրորդ նախագահ Ռոբերտ Քոչարյանի գործով Վերաքննիչ դատարանի դատավոր Լուսինե Աբգարյանը մերժել է ինքնաբացարկի միջնորդությունը։ Դատավորը որոշումը հրապարակել է այսօր։

Նախկին նախագահի փաստաբանների ներկայացրած միջնորդության համար հիմք էր դարձել դատավորի օբյեկտիվության կասկածը՝ հաշվի առնելով Ֆեյսբուքում դատավորի եղբոր՝ Դավիթ Աբգարյանի բազմաթիվ գրառումները եւ նրա ընկերությունը ՍԴ անդամ Վահե Գրիգորյանի հետ։

Ավելի վաղ դատավոր Մխիթար Պապոյանն էր բավարարել դատախազի միջնորդությունը եւ ինքնաբացարկ էր հայտարարել։

Երկրի երկրորդ նախագահ Ռոբերտ Քոչարյանի փաստաբանները կբողոքարկեն առաջին ատյանի դատարանի դատավոր Աննա Դանիբեկյանի որոշումը նախկին նախագահին գրավի դիմաց ազատ արձակելը մերժելու մասին։