ԱՄՆ-ը 2018-ի մայիսից Իրանի դեմ ավելի քան 90 տարբեր տեսակի սահմանափակող միջոց է ընդունել: Այս մասին հայտարարել է Իրանի նախագահ Հասան Ռոհանին, հաղորդում է ՏԱՍՍ-ը:
«2018 թվականի մայիսի 8-ից, այսինքն՝ միջուկային գործարքից ԱՄՆ-ի դուրսբերման պահից, մինչ օրս Վաշինգտոնը 93 սահմանափակող միջոց է ընդունել»,- ասել է նա՝ հավելելով, որ այդպիսով երկրի տնտեսության վիճակը կայունացել է, իսկ տնտեսական ցուցանիշները բարելավվել են:
Ռոհանին նշել է, որ Իրանն արդեն 4 տասնամյակ գտնվում է պատժամիջոցների ներքո: «Ամերիկացիներն այժմ ծանր սահմանափակող միջոցներ են սահմանել՝ ձգտելով քայքայել իսլամական հանրապետությունը, սակայն Իրանում բարեփոխումներ են անցկացվում, եւ մեջլիսում ներկայացվել է բյուջեն, որը կախված չէ նավթից»,- ասել է նա:
Իրանի տնտեսական իրավիճակը սրվել էր 2018 թվականի մայիսին միջուկային գործարքից ԱՄՆ միակողմանի դուրս գալուց եւ Թեհրանի դեմ պատժամիջոցներին վերադառնալուց հետո: Դրանից հետո Վաշինգտոնը բազմիցս սահմանափակող միջոցներ էր սահմանել Թեհրանի դեմ: Վերջին նման քայլն իրականացվել է դեկտեմբերի 11-ին, երբ ԱՄՆ ֆիննախն ընդլայնեց Իրանի դեմ պատժամիջոցային ցուցակը: