Ավստրալիայի վարչապետ Սքոթ Մորիսոնը ներողություն է խնդրել եւ դադարեցրել արձակուրդը հասարակության շրջանում աճող զայրույթի ֆոնին: Երկրի արեւելյան ափամերձ տարածքում անտառային հրդեհների դեմ պայքարի ժամանակ 2 հրշեջ է զոհվել:
Ավստրալիան արդեն մի քանի շաբաթ պայքարում է անտառային հրդեհների դեմ 3 նահանգներում, ինչի հետեւանքով ոչնչացվել է ավելի քան 700 տուն եւ գրեթե 1,2 մլն հա անտառային զանգված:
Այն բանից հետո, երբ հաղորդվել է հրշեջների մահվան մասին, Մորիսոնը հայտարարություն է արել որքան հնարավոր է շուտ արձակուրդից վերադառնալու մասին:
Ավստրալիայի ողջ տարածքում ավելի քան 200 հրդեհ է բռնկվել, դրանցից 70-ը որակվում է որպես չվերահսկվող, հիմնականում Նոր Հարավային Ուելս նահանգում:
Իշխանությունները հայտարարել են, որ Լամերուում հրդեհը կարող է սպառնալիք ներկայացնել կյանքի համար, եւ տեղի բնակիչներին կոչ են արել լքել իրենց տները: