Հայաստանում դպրոցները, մեղմ ասած, գտնվում են տխուր վիճակում: Համայնքներում գտնվող դպրոցների թիվը, որտեղ աշակերտների թիվը հասնում է մինչեւ 100-ի, ընդամենը 380-ն է, ինչը կազմում է դպրոցների ընդհանուր թվի 29 տոկոսը ընդհանուր առմամբ 1400-ից: Այս մասին այսօր՝ դեկտեմբերի 20-ին, Ազգային ժողովի Կրթության, գիտության, մշակույթի, սփյուռքի, երիտասարդության եւ սպորտի հարցերով մշտական հանձնաժողովի կողմից նախաձեռնված «Կրթության ոլորտում բարեփոխումները, առաջիկա ռազմավարական մարտահրավերները» թեմայով լսումների ընթացքում հայտարարեց նախկին պատգամավոր Արամ Մանուկյանը:

«Բացի այդ, դպրոցների 30 տոկոսում սովորում է մինչեւ 300 աշակերտ»,- նշեց Մանուկյանը: Նա նաեւ նշեց, որ Հայաստանում կա լուրջ ռազմավարական խնդիր՝ դասատուների կրճատումը, մասնավորապես, տղամարդ դասատուների կրճատումը գյուղերում: Նրա խոսքով՝ Հայաստանում աշխատող 31.200 դասատուներից միայն 4000-ն են տղամարդ դասատուները: «Դա լրջագույն խնդիր է մեր կրթական համակարգի համար: Միայն կասեմ, որ ընդամենը 3 տարի առաջ ունեինք 5700 տղամարդ դասատու, եւ մնացել է միայն 4000-ը»,- ասաց Մանուկյանը:

Նա նշեց, որ չնայած որոշակի աճին՝ Հայաստանում միջինում գրանցվում է 15 հազար ամուսնությունը, որոնցից 3500-ն ավարտվում է ամուսնալուծությամբ: Միեւնույն ժամանակ, Հայաստանում տարեկան մահանում է մոտ 27 հազար մարդ: «Այսինքն, գրեթե չունենք որեւէ աճ»,- հավելեց Մանուկյանը: