«Հայբիզնեսբանկ» ՓԲԸ-ին Հայաստանի Հանրապետության պետական եկամուտների կոմիտեի կողմից այսօր տրվել է «Օրինապահ հարկ վճարող» անվանմամբ հավաստագիր:
Պետական եկամուտների կոմիտեի ռիսկերի կառավարման և հարկային կարգապահության ծրագրերի վարչության պետ Արսեն Սառիկյանը «Օրինապահ հարկ վճարող» կարգավիճակը հաստատող հավաստագիրը շնորհեց «Հայբիզնեսբանկ» ՓԲԸ գլխավոր հաշվապահ Նարինե Սարգսյանին, ինչպես նաև այլ 7 տնտեսվարողների:
Հավաստագիրը բանկին շնորհվել է 2019 թվականի ընթացքում պետական բյուջեի հանդեպ բոլոր պարտավորություններն ամբողջական և պատշաճ կատարելու, ինչպես նաև օրենսդրությամբ նախատեսված բոլոր հաշվարկները և հաշվետվությունները ճշգրիտ ներկայացնելու, և իրավախախտումների բացակայության համար:
«Հայբիզնեսբանկը» մշտապես նպաստել է Հայաստանի Հանրապետության տնտեսության զարգացմանը: Բանկն իր գործունեության ավելի քան քսանհինգ տարիների ընթացքում գործել է օրենքի սահմաններում, եղել է ճշտապահ հարկ վճարող, իրականացրել է բազմաթիվ բարեգործական, մշակութային և սոցիալական ծրագրեր: