Թուրքիայի պաշտպանության փոխնախարար Ալփարսլան Քավաքօղլուն Թուրքիայում Ճապոնիայի դեսպան Ակիո Միյաջիմային երկու երկրների միջեւ համագործակցության զարգացման համար հուշամեդալ է հանձնել։

Թուրքական CNNturk–ի փոխանցմամբ՝ Անկարայում Ճապոնիայի դեսպանությունում տեղի ունեցած հուշամեդալի հանձնման արարողության ժամանակ Ճապոնիայի դեսպանը շնորհակալություն է հայտնել եւ նշել, որ թեեւ Թուրքիան եւ Ճապոնիան միմյանցից հեռու են, սակայն սրտերը մոտ են։ «Այսինքն երկու պետություն եւ մեկ ազգ են»,–ասել է Թուրքիայում Ճապոնիայի դեսպանը։