Ավիացիայի ոլորտում բազմաթիվ նոր ընկերություններ հայտ են ներկայացրել Հայաստանում ավիափոխադրումներ իրականացնելու համար. 2019-ին կանոնավոր ավիափոխադրումներ են սկսել օտարեկրյա 6 նոր ավիաընկերություններ: Այս մասին, այսօր՝ դեկտեմբերի 23-ին, իր տարեկան ամփոփիչ ասուլիսում նշեց ՀՀ տարածքային կառավարման եւ ենթակառուցվածքների նախարար Սուրեն Պապիկյանը՝ հավելելով, որ խոսքը ռումինական, ուկրաինական, ռուսական ընկերությունների մասին:
«2020-ին ակնկալում ենք արդեն իսկ հայտ ներկայացրած նոր ավիաընկերությունների մուտքը հայկական շուկա: Խոսքը վերաբերում է AirBaltic-ի, «Տրանս Ֆրանս»-ի ընկերությունները մասին է, իսկ «VizzAir-ի մասին ասվել է»,-ասաց նախարարը:
Սրանք, ըստ նրա, կարեւոր ձեռբերումներ են Հայաստանի համար. «Ես 2019-ին մեր նախարարության կատարած աշխատանքը գնահատում եմ նվազագույնը բավարար, որովհետեւ կարողացել ենք իրականացնել մեր առջեւ դրված խնդիրները»: