Անօթեւան կենդանիների խնդիրն ազդում է հասարակության ֆիզիկական եւ բարոյական առողջության վրա: Այս մասին մամուլի ասուլիսի ժամանակ հայտարարեց կենդանիների պաշտպան Նարե Արամյանը:
Նրա խոսքով՝ խնդիրն անհնար է լուծել առանց համալիր մոտեցման:
«Դրական գնահատականի են արժանի Երեւանի քաղաքապետարանի գործողությունները, որը հրաժարվել է թափառող կենդանիների վրա հրազենային որսից եւ սկսել է ստերիլացման ծրագիր: Սակայն Հայաստանի շատ քաղաքներում դեռեւս մնում է զանգվածային հրազենային որսը, ընդ որում, դա արվում է հասարակության համար վտանգավոր միջոցով, երեխաների աչքի առջեւ: Խնդիրն անհնար է լուծել առանց համալիր մոտեցման»,- նշեց նա:
Անհրաժեշտ քայլերի թվում է նաեւ քաղաքային ապաստարանների ստեղծումը, քանի որ միայն կամավորական աշխատանքները բավարար չեն: