Հայաստանի զինված ուժերը շարունակում են սպառազինություն գնել ռուսական ORSIS («Պրոմտեխնոլոգիա») զինագործական ընկերությունից: Այս մասին դեկտեմբերի 26-ին լրագրողների հետ հանդիպման ժամանակ հայտարարեց ՀՀ ԶՈւ գլխավոր շտաբի պետ Արտակ Դավթյանը:
Պատասխանելով մատակարարումների կազմակերպման հետ կապված խնդիրների մասին հարցին՝ Արտակ Դավթյանը նկատեց, որ գործում շատ անհասկանալի պահեր կան, սակայն վստահեցրեց, որ այն ինչ ծրագրված էր, ժամանակին իրականացվել է: Նրա խոսքով՝ ԳՇ ծրագրերում փոփոխություններ չկան, եւ հաջորդ տարի եւս նախատեսված են գնումներ ORSIS-ից: «Գնված սպառազինությունը մեզ մոտ է: Մնացած հարցերն իմ լիազորություններից դուրս են»,- նշեց Արտակ Դավթյանը: