Շելբի անունով Reddit-ի օգտատերը դարձել է այն երջանիկը, որը նվեր կստանա Բիլ Գեյթսից: USA.one-ի հաղորդմամբ՝ կինը մասնակցել է Reddit Gifts-ում նվերների փոխանակմանը, սակայն մտածել անգամ չէր կարող, որ Microsoft-ի հիմնադիրը կդառնա իր Գաղտնի Սանտան:
Բիլ Գեյթսն աղջկան մեծ քանակությամբ նվերներ է ուղարկել, որոնց ընդհանուր քաշը կազմել է մոտ 36 կգ: Բացի Lego-ի մեծ հավաքածուից եւ նույնիսկ աղջկա կատվի համար խաղալիքներից, ցուցակում եղել են բավականին թանկ իրեր՝ «Մեծն Գեթսբին» վեպի ձեռագրի կրկնօրինակն ու «Թվին Փիքս» սերիալի ռեկվիզիտը: Սակայն Շելբիի համար ամենակարեւոր նվերը եղել է Ամերիկյան կարդիոլոգիական ասոցիացիայի համար բարեգործական ներդրումը: Միլիարդատերը նվիրատվություն է արել ՝ ի հիշատակ աղջկա մոր, որը մահացել է այդ տարվա մարտին:
