Ասիայում ամենախոշոր Տոկիոյի ֆոնդային բորսայում 2019 թվականի վերջնական առեւտուրն ավարտվել է երկուշաբթի Nikkei ինդեքսի ռեկորդային մակարդակով, որը ցույց է տալիս Ճապոնիայի 225 առաջատար ընկերությունների ակցիաների փոխարժեքները: Այն կանգնել է 23656,62 կետի վրա՝ ամենաբարձրը 1990 թվականից ի վեր, հաղորդում է ՏԱՍՍ-ը:
2018-ի վերջնական առեւտրի արդյունքների համեմատ՝ ինդեքսն աճել է ավելի քան 18 տոկոսային կետով:
Kiodo գործակալության հաղորդմամբ՝ ամբողջ 2019 թվականը գտնվել է համաշխարհային տնտեսության աճի տեմպերի դանդաղեցման եւ ԱՄՆ-Չինաստան առեւտրային պատերազմի բացասական ազդեցության ներքո: Սակայն դեկտեմբերին արժենշումներն ավարտվել են առաջընթացով՝ ԱՄՆ-Չինաստան հնարավոր հաշտեցման ազդեցության ներքո:
«Ընդհանուր առմամբ, 2019 թվականին ԱՄՆ-Չինաստան տնտեսական հարաբերություններն ամենագլխավոր գործոնն են եղել Տոկիոյի շուկայում»,- գործակալությանն ասել է ֆոնդային հարթակներում իրավիճակի վերլուծությամբ զբաղվող NLI հետազոտական ինստիտուտի գլխավոր փորձագետ Սինգո Իդեն: