2019 թվականին Թաիլանդ է այցելել 39 միլիոն զբոսաշրջիկ. դա ազգային նոր ռեկորդ է, հաղորդում է Թաիլանդի Տասնմեկերորդ (կառավարական) ազգային հեռուստաալիքը՝ հղում կատարելով զբոսաշրջության նախարարությանը: Այդ մասին պաշտոնապես հայտարարել է երկրի զբոսաշրջության եւ սպորտի նախարար Փհիփհաթ Ռաթչակիթփրականը նախարարության նիստի ժամանակ, որը հեռարձակվել է պետական հեռուստաալիքի եթերում, հաղորդում է ՌԻԱ Նովոստի-ն:
«Վերջին տվյալներով՝ 2019 թվականին Թաիլանդ այցելած օտարերկրյա զբոսաշրջիկների թիվը գերազանցել է 39 միլիոնը»,-հայտարարել է նախարարը: Հեռուստաալիքը նշում է, որ դա ռեկորդային ցուցանիշ է:
Նախարարության զեկույցում նշվում է, որ 39-միլիոներորդ զբոսաշրջիկը, որը 2019-ին հատել է Թաիլանդի սահմանը, Ռուսաստանի քաղաքացի էր, հաղորդում է հեռուստաալիքը:
Ավելի վաղ համարվում էր, որ այս տարի այդ շեմը չի հաղթահարվի, քանի որ տարվա երկրորդ կեսին կրճատվել էր Չինաստանից Թաիլանդ ժամանող զբոսաշրջիկների թիվը, որոնք կազմում են երկրի օտարերկրյա հյուրերի ավելի քան 59 տոկոսը:
Ամանորի նախօրեին Թաիլանդ է ժամանում օրական 140 հազար զբոսաշրջիկ, եւ նախարարությունում համարում են, որ 2019 թվականի ընթացքում երկրի զբոսաշրջիկների վերջնական թիվը կարող է հասնել 39.6 միլիոնի:
