Volkswagen AG (VW) գերմանական ավտոմոբիլային կոնցեռնն ու Գերմանիայի սպառողների իրավունքների պաշտպանության կենտրոնների դաշնային միավորումը (VZBV) կնախաձեռնի բանակցություններ դիզելային շարժիչների արտանետման գազերում վնասակար նյութերի պարունակությանը վերաբերող տվյալների մանիպուլյացիաների գործով համաշխարհային համաձայնագրի մասին, հաղորդում է DW-ը:
«VZBV-ի եւ Volkswagen-ի համատեղ նպատակը հաճախորդների շահերից բխող պրագմատիկ լուծում է»,-նշված է մամուլի համար հաղորդագրության մեջ: Հնարավոր փոխհատուցումների մասին բանակցությունները դեռեւս վաղ փուլում են: «Հարցը՝ արդյո՞ք կհաջողվի հասնել կարգավորմանը, դեռ քննարկման ենթակա է»,-ընդգծում են կողմերը:
Վեճը կարգավորելու դեպքում խմբակային հայտը ներկայացնող 444 հայցորդի շանսերը մեծանում են, եւ նրանց, հնարավոր է, կհաջողվի ստանալ փոխհատուցում «դիզելգեյթի» կապակցությամբ իրենց ավտոմեքենաների արժեքի նվազման համար:
2015 թվականին ԱՄՆ-ի իշխանությունների կողմից կատարված հետազոտությունների արդյունքում VW-ը ստիպված էր խոստովանել, որ ամբողջ աշխարհում վաճառված մի քանի միլիոն ավտոմեքենաներում տեղադրված է ծրագրային ապահովություն, որը թույլ է տվել մանիպուլյացնել թեստերը՝ նպատակ ունենալով համապատասխանեցնել շարժիչները բնապահպանական ստանդարտներին:
«Դիզելգեյթը» զանգվածային արձագանք էր առաջացրել VW արտադրանքի նկատմամբ ԱՄՆ-ի շուկայում տեխնիկական կեղծիքը հեռացնելու համար: Կոնցեռնը Միացյալ Նահանգների իշխանությունների հետ համաձայնության էր հասել տուգանքների եւ փոխհատուցման վճարների շուրջ՝ 18 մլրդ ընդհանուր արժեքով, սկանդալը կարգավորելու շրջանակում: