Բելառուսական ՆՎԳ-ները (Մոզիրյան ՆՎԳ-ն եւ «Նաֆտանը») մինչեւ տեխնոլոգիական նվազագույնի են հասցրել բեռնվածությունը, այժմ կնքվում են նավթի մատակարարման հունվարյան պայմանագրերը, տեղեկացնում է ԲԵԼՏԱ-ն։
«Հայրենական ՆՎԳ-ների արտադրական հզորությունների կանգնեցումը եւ սառեցումը թույլ չտալու համար մենք ստիպված ենք եղել նվազեցնել ՆՎԳ բեռնվածությունը մինչեւ տեխնոլոգիական նվազագույնը»,- ասել են «Բելնեվտեխիմ»-ում։
Կոնցեռնում հաստատել են, որ նավթի մատակարարումները Ռուսաստանից դադարեցվել են։ «Այժմ ակտիվ աշխատանք է տարվում հունվարյան պայմանագրերի կնքման ուղղությամբ»,- ասել են «Բելնեվտեխիմ»-ում։ Այնտեղ ճշտել են, որ խոսքը ՌԴ-ից եւ այլընտրանքային աղբյուրներից նավթի մատակարարումների մասին է։
Բելառուսի նախագահ Ալեքսանդր Լուկաշենկոն դեկտեմբերի 31-ին խորհրդակցություն է հրավիրել նավթաքիմիական համալիրի ղեկավարության հետ մատակարարումների եւ նավթի վերամշակման վերաբերյալ։ Պետության ղեկավարը այն ժամանակ հանձնարարել էր առաջիկա ժամերին ավարտել Բելառուսի եւ Ռուսաստանի տնտեսվարող սուբյեկտների բանակցությունները եւ պահմանագրեր կնքել նավթի մատակարարման մասին՝ նավթավերամշակման երկու գործարանների անխափան աշխատանքի ապահովման նպատակով։
