Գերմանիայի պաշտպանության նախարարությունը հրամայել է Իրաքում գերմանացի զինծառայողներին չհեռանալ իրենց ռազմակայաններից ԱՄՆ ՌՕՈւ-ի կողմից Բաղդադում իրանցի գեներալ Ղասեմ Սոլեյմանիի սպանությունից հետո, տեղեկացնում է AP-ը։
Ներկայում Իրաքում 130 գերմանացի զինվոր կա։ Պաշտպանության նախարարության մամուլի քարտուղար Քրիստինա Ռոութսին հայտարարել է, որ սահմանափակվել են զինվորականների տեղաշարժերը Բաղդադի եւ Թաջիի ռազմական օբյեկտների սահմաններից դուրս։ Նա նշել է, որ իրաքյան զորքերի պատրաստությունը շարունակվելու է։
Գերմանիան նաեւ հայտարարել է, որ իրավիճակը Մերձավոր Արեւելքում հասել է «թեժացման վտանգավոր կետի»։
Գերմանիայի կառավարության մամուլի քարտուղար Ուլրիկե Դեմերը ԱՄՆ այս քայլը բնորոշել է որպես «ռազմական սադրանքների մի ամբողջ շարքի պատախան, որոնց համար Իրանը պատասխանատվություն է կրում»՝ նշելով լցանավերի եւ սաուդյան նավթային օբյեկտների վրա հարձակումները։
