Ցանցում հայտնվել է տեսանյութ Քենիայում ԱՄՆ ռազմածովային ուժերի ռազմակայանի վրա հարձակման մասին։
Ինչպես տեղեկացնում է ՌԻԱ «Նովոստի»-ն, հարձակումը տեղի է ունեցել առավոտյան։ Տուժածների եւ զոհերի մասին առայժմ տեղեկություններ չկան։
Ինչպես տեղեկացրել է օկրուգի կոմիսար Իրունգու Մաչարիան, գրոհայինների հարձակումը հետ է մղվել։ Տեղական լրատվամիջոցների տեղեկատվությամբ՝ քենիացի զինվորականները պատասխան հարվածներ են հասցրել ահաբեկիչներին։
Հարձակման պատասխանատվությունը ստանձնել է «Աշ Շաբաբ» խմբավորումը, որը սերտ կապեր ունի «Ալ Քաիդայի» հետ։ Շարժումը դիմակայում է Սոմալիի կենտրոնական կառավարությանը եւ խոչընդոտում ՄԱԿ հումանիտար գործունեությանը։
