News
Լրահոս
News
Ուրբաթ
Մարտ 29
Տեսնել լրահոսը

Գերմանիան անվտանգության նկատառումներով իր զինծառայողների մի մասին Իրաքից կտեղափոխի Քուվեյթ եւ Հորդանան: Այս մասին նշված է Բունդեսթագին հղած Գերմանիայի ԱԳ նախարար Հայկո Մաասի եւ պաշտպանության նախարար Աննեգրետ Քրամփ-Քարենբաուերի նամակում, հայտնում է DW-ն: 

Խոսքն առաջին հերթին վերաբերում է Բաղդադում եւ Իրաքի մայրաքաղաքից ոչ հեռու Թաջի քաղաքում գտնվող զինվորականներին:

Ներկայումս Իրաքում են շուրջ 120 գերմանացի զինծառայողներ, որոնք տեղական անվտանգության ուժերին պատրաստում են «Իսլամական պետություն» ահաբեկչական խմբավորման դեմ պայքարի համար: Գրեթե 30 զինվոր բնակեցված է Բաղդադից հյուսիս Թաջի ռազմակայանում, մի քանի զինվորականներ անմիջապես Իրաքի մայրաքաղաքում են, իսկ մոտ 90 մարդ՝ Իրաքի հյուսիսում համեմատաբար հանդարտ քրդական նահանգներում:

«Մենք, բնականաբար, կհարգենք Իրաքի կառավարության ցանկացած ինքնիշխան որոշում: Մենք ընդհանուր առմամբ պատրաստ ենք շարունակելու մեր հուսալի օգնությունը միջազգայնորեն համաձայնեցված շրջանակում, քանի դեռ դա կցանկանա Իրաքը եւ թույլ կտա իրադրությունը»,- նշված է գերմանացի նախարարների նամակում:

Միացյալ Նահանգները հունվարի 3-ին ավիահարված էր հասցրել Բաղդադի օդանավակայանին, որի հետեւանքով սպանվել էր իրանցի գեներալ Ղասեմ Սոլեյմանին: Ի պատասխան հունվարի 5-ին Իրաքի խորհրդարանը պահանջել էր դադարեցնել երկրում արտասահմանյան ռազմական ներկայությունը: Այս հարցով վերջնական որոշումը պետք է ընդունի երկրի կառավարությունը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իսրայելական տանկի անձնակազմը հոկտեմբերին Լիբանանում սպանել է Reuters-ի թղթակցին. Reuters
Իսրայելական տանկի անձնակազմը սպանել է թղթակցի...
Իրաքում «Ալ-Հաշդ ալ-Շաաբի»-ի շտաբի վրա անօդաչու թռչող սարքի հարձակման հետևանքով երկու մարդ է զոհվել և վեցը վիրավորվել
Բաղդադից արևելք գտնվող իրաքյան աշխարհազորային «Ալ-Հաշդ ալ-Շաաբի»-ի…
Անօդաչու թռչող սարքը հարված է հասցրել Հյուսիսային Իրաքում գտնվող ամերիկյան ռազմաբազային. Sky
Հարձակման պատասխանատվությունը ստանձնել է «Իրաքի իսլամական դիմադրությունը»...
ՄԱԿ-ը հայտարարել է, որ հարավային Լիբանանում ռազմական իրավիճակը դուրս է գալիս վերահսկողությունից
Սահմանամերձ շրջաններում ռազմական իրավիճակի վերահսկողությունից դուրս գալու վտանգավոր միտում կա...
Իրաքի արեւմուտքում գտնվող ԱՄՆ ռազմակայանը նորից ենթարկվել է անօդաչուի գրոհին
Անօդաչուն կրկին գրոհել է ամերիկյան ռազմակայանն Իրաքի արեւմուտքում...
Իրաքի նախագահը հայտարարել է, որ կկանչի Թուրքիայի դեսպանին Իրաքի տարածքին հասցված ավիահարվածների առնչությամբ
Իրաքի նախագահը կկանչի Թուրքիայի դեսպանին...
Ամենաշատ