ԱՄՆ նախագահ Դոնալդ Թրամփը կարծում է, որ NATO-ն պետք է ընդլայնել՝ նրանում ներառելով Մերձավոր Արեւելքի երկրներին։ Նա նույնիսկ նոր անուն է մտածել դաշինքի համար՝ NATOME (NATO-Middle East), հայտնում է AP-ը։
«Ինչ հրաշալի անվանում՝ NATOME»,- ասել է Թրամփը։ Նրա խոսքերով՝ ԱՄՆ-ը հետապնդում է «Իսլամական պետության» գրոհայիններին, զրկում նրանց տարածքներ վերահսկելուց եւ սպանում ԻՊ-ի առաջնորդին։ «Մենք մեծ ծառայություն ենք մատուցել Եվրոպային։ Ես կարծում եմ, որ NATO-ն պետք է ընդլայնվի, եւ մենք պետք է ներառենք Մերձավոր Արեւելքը, անկասկած․․․ Այժմ բեռն ընկած է մեր ուսերին, եւ դա անարդար է»,- ասել է նա։
Թրամփը նշել է, որ ուզում է NATO-ի ավելի շատ զորքեր տեսնել Մերձավոր Արեւելքում, քանի որ այնտեղ խնդիրները միջազգային են։
