«Դալմա Գարդեն մոլ»-ը փակ է. մի քանի աշխատակիցներ են եկել իրենց խանութների սրահները կողպելու համար:
ԱԻՆ տեղեկատվության և հասարակայնության հետ կապերի վարչության պետ Էդմոն Զարգարյանը NEWS.am-ին հայտնեց, որ չափիչ սարքերը դեռ տեղադրված են, որ եթե ցնցումները կրկնվեն, գրանցեն պատճառը:
Նրա խոսքով` միանշանակ է , որ երկրաշարժ չի, եւ առկա է մարդկային գործոն, բայց հստակ չի, թե ինչ տեսակի:
Ավելի վաղ NEWS.am-ը հայտնել էր, որ երեկ՝ հունվարի 9-ին, երեկոյան խուճապ էր տարածվել Երեւանի «Դալմա Գարդեն Մոլ» առեւտրի կենտրոնում։ Այցելուները համացանցից տեղեկություններ են կարդացել, թե երկրաշարժ է լինելու եւ խուճապի մատնված զանգվածաբար սկսել են լքել շենքը։ Ավելի ուշ ԱԻՆ-ը հերքել էր երկրաշարժի մասին տեղեկությունը: Այդուհանդերձ, նշվել է, որ մոտ 30 րոպե շենքը ցնցվել է, որի պատճառները դեռ պարզ չեն: