Դպրոցականները եւ ուսանողները բուռն հետաքրքրություն են ցուցաբերում աստղագիտության հանդեպ, մասնակցում, ընդ որում՝ շատ հաջող, օլիմպիադաների, բայց ինչ-որ պահի կորցնում են հետաքրքրությունը ցածր աշխատավարձերի պատճառով։ Այս մասին հունվարի 10-ին լրագրողների հետ հանդիպման ժամանակ ասել է Բյուրականի աստղադիտարանի տնօրեն Արեգ Միքայելյանը։
Նա ավելացրել է, որ, չնայած դրան, աստղադիտարանում աշխատանքը բազմաթիվ պլյուսներ ունի, օրինակ այն, որ աշխատակիցներին տրվում է անվճար ծառայողական բնակարան։ «Բացի այդ, նրանք հնարավորություն ունեն տարին մի քանի անգամ մեկնել տարբեր երկրներ, ինչպես նաեւ մասնակցել տարբեր դրամաշնորհային նախագծերի եւ ավելացնել իրենց եկամուտները»,- նշել է Միքայելյանը։
Տնօրենը հույս է հայտնել, որ գիտության ֆինանսավորումը երկրում կավելանա, իսկ դա թույլ կտա գոնե աստիճանաբար բարձրացնել աշխատակիցների աշխատավարձերը՝ ելնելով նրանց աշխատանքի ստաժից։