Այսօր ընթանում է քարոզչական պատերազմի բավական ինտենսիվ փուլ: Այս մասին, այսօր՝ հունվարի 10-ին, լրագրողների հետ հանդիպման ժամանակ նշեց իրանագետ Վարդան Ոսկանյանը՝ անդրադառնալով տարածվող լուրերին, թե ուկրաինական օդանավը աղետի է ենթարկվել իրանական հրթիռի հարվածից:
«Մենք բազմաթիվ դեպքեր ենք տեսել, երբ քաղաքացիական ինքնաթիռների կործանումներն օգտագործվել են քաղաքական ու քարոզչական նպատակներով: Հետեւաբար այստեղ պետք է հետեւոյթւոն անել բացառապես փաստական տվյալներից, այլ ոչ քաղաքական գործիչների հայտարարություններից»,-ասաց նա:
Հարցին, թե ինչպե՞ս է գնահատում այս զարգացումների վերաբերյալ ՀՀ իշխանությունների դիրքորոշումն ու հայտարարությունները, Վարդան Ոսկանյանը արձագանքեց. «Եթե ես լինեի որոշում կայացնողը, ես շատ որոշումներ այլ կերպ կկայացնեի: Ես կարծում եմ, որ ավելի ջերմ վերաբերմունք էր պետք տարբեր մակարդակում: Կարծում եմ՝ պետք է հստակ սահմանեինք դերաբաշխում, պետք է ավելի մեղմ մոտենայինք այն անձանց, որոնք իրականացնում էին աշխատանք: Մենք պետք է հասարակական աջակցությունն արտաքին քաղաքականությանը գնահատենք, ոչ թե դրանից խուսափենք»: