News
Լրահոս
News
Հինգշաբթի
Հունիս 24
Տեսնել լրահոսը

Իսպանիայի Բարձրագույն դատարանը (ԲԴ) որոշել է ուժի մեջ թողնել փախուստի դիմած եւ Բելգիայում ապաստան գտած Կատալոնիայի կառավարության նախկին անդամներ Կառլես Պուչդեմոնի եւ Անթոնի Քոմինի կալանքի մասին եվրոպական օրդերը: Այդ մասին ասվում է ուրբաթ ԲԴ-ի տարածած որոշման մեջ, հաղորդում է ՏԱՍՍ-ը:

ԲԴ դատավորը «պահպանում է Պուչդեմոնի եւ Քոմինի նկատմամբ եվրոպական օրդերն ու խնդրում Եվրախորհրդարանին (ԵԽ) կասեցնել նրանց (պատգամավորական) անձեռնմխելիությունը»,-ասվում է դատարանի մամուլի հաղորդագրության մեջ: Դատավորը նաեւ հաստատել է Իսպանիայի տարածքում նրանց ձեռբակալելու մասին օրդերը եւ կոչ արել Բելգիային հետաձգել քաղաքական գործիչներին արտահանձնելու մասին որոշման ընդունումը, քանի դեռ ԵԽ-ը չի ներկայացրել այդ հարցի շուրջ իր դիրքորոշումը, նշվում է ԲԴ փաստաթղթում:

Ավելի վաղ իսպանական արդարադատությունը տվել էր դատավարության մեջ ներգրավված կողմերին ժամանակ Պուչդեմոնի եւ Քոմինի գործով իրենց դիրքորոշումը ներկայացնելու համար: Դատարանի որոշումը հաջորդել էր Լյուքսեմբուրգում Արդարադատության եվրոպական դատարանի վճռին, համաձայն որի՝ Կատալոնիայի նախկին ղեկավարի տեղակալ Օրիոլ Ժունկերասը, որը դատապարտվել էր 13 տարվա ազատազրկման, ունի պատգամավորական անձեռնմխելիություն, քանի որ Եվրախորհրդարանի անդամ է:

Պուչդեմոնն ու Քոմինը ստացել են մանդատներ ԵԽ-ում անցած տարվա մայիսի 26-ի ընտրությունների արդյունքներով: Այդուհանդերձ, Իսպանիայի ԿԸՀ-ը չէր ներառել նրանց անունները ԵԽ-ում ընտրված իսպանացի պատգամավորների վերջնական ցուցակում, որն ուղարկվել էր Բրյուսել: Պուչդեմոնն ու Քոմինը չէին ժամանել Իսպանիա որպես խորհրդարանականներ երդմնակալության համար: Նրանք փախել են Իսպանիայից Բելգիա 2017 թվականին Կատալոնիայի անկախության մասին անօրինական հանրաքվեն անցկացնելուց հետո:

Ինչպես ավելի վաղ հաղորդել էր RTBF հեռուստաալիքը, Բելգիայի դատարանը որոշում էր կայացրել կարճել Պուչդեմոնին Իսպանիա արտահանձնելու մասին գործը՝ ճանաչելով նրա պատգամավորական անձեռնմխելիությունը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իսպանիայում ներում է շնորհվել անջատողական հանրաքվեի համար դատապարտված կատալոնացի քաղաքական գործիչներին
Վարչապետ Պեդրո Սանչեսը հայտարարությամբ հանդես կգա «Նախարարների խորհրդի նիստից հետո, որը տեղի է ունեցել այսօր առավոտյան եւ որի ընթացքում հաստատվել է դատապարտված» քաղաքական գործիչների համաներումը...
Կատալոնիայի փոխվարչապետը չի բացառել դեպի անկախություն տանող միակողմանի ուղին
«Եթե պետությունը չի կարող դա անել համակարգված ձեւով կամ երկխոսության միջոցով, մենք ստիպված կլինենք դա անել այլ կերպ...
Եվրախորհրդարանը քվեարկել է Պուչդեմոնին անձեռնմխելիությունից զրկելու օգտին
Պուչդեմոնին պատգամավորական անձեռնմխելիությունից զրկելու օգտին է քվեարկել 400 պատգամավոր, 248-ը դեմ է հանդես եկել այս որոշմանը, 45 պատգամավոր ձեռնպահ է մնացել...
Իսպանիայի վարչապետը եւ Կատալոնիայի առաջնորդը պայմանավորվել են սկսել կառավարությունների միջեւ երկխոսությունը
«Եկել է առաջ շարժվելու ժամանակը: Իրավիճակը արագ չի փոխվի, խոսքը երկար տարիներ շարունակվող ճգնաժամաի մասին է»,- ասել է նա...
Իսպանիայի վարչապետի պաշտոնակատարը խոստացել է, որ Կատալոնիան երբեք անկախ չի լինի
Կատալոնիայի խնդիրը ոչ թե անկախությունն է, որը երբեք տեղի չի ունենա, այլ համագոյակցությունը...
Կատալոնացի ուսանողներն անժամկետ դասադուլ են հայտարարել
Ցուցարարների հիմնական պահանջը բողոքի ակցիաներին մասնակցելու իրավունքն է...
Ամենաշատ