Կոտայքի մարզում տղամարդը մեղադրվում է անչափահաս աղջիկների նկատմամբ սեռական բնույթի գործողություններ կատարելու մեջ։
Դատական տեղեկատվական համակարգից տեղեկանում ենք, որ ըստ մեղադրանքի՝ 2019թ.–ի օգոստոսի 17–ին ցերեկը տղամարդը Հրազդանի շենքերից մեկի շքամուտքում փորձել է անառակաբարո գործողություններ կատարել 15–ամյա մի աղջկա նկատմամբ, սակայն, հանցագործությունն իր կամքից անկախ հանգամանքներով ավարտին չի հասցրել և դիմել է փախուստի:
Մեկ շաբաթ անց տղամարդը նմանատիպ գործողություն է կատարել նաեւ 12–ամյա մի աղջկա նկատմամբ։
Տղամարդուն մեղադրանք է առաջադրվել Քրեական օրենսգրքի 142–րդ հոդվածի 3–րդ մասի 2–րդ կետով եւ 34-142–րդ հոդվածի 2–րդ մասի 2–րդ կետով։ Նա կալանավորվել է։
Գործը քննվելու է Կոտայքի մարզի ընդհանուր իրավասության դատարանում։
