Իսպանիայի ազգային ոստիկանությունը եւ Ջիբրալթարի իրավապահ մարմիններն անցկացրել են համատեղ գործողություն ընդդեմ հանցախմբի, որը զբաղվում էր միգրանտների տեղափոխմամբ, հաղորդում է ՏԱՍՍ-ը՝ հղում անելով Իսպանիայի ոստիկանության մամուլի հաղորդագրությանը:
Գործողությունն իրականացվել է Եվրոպական ոստիկության գործակալության (Եվրապոլ) համակարգմամբ: Իրավապահները ձերբակալել են 47 մարդու: Իսպանիայի կողմից գործողությանը մասնակցել է շուրջ 200 ոստիկան:
Հանցավոր կազմակերպությունը 7-8 հազար եվրոյի չափով գումար էր շորթում Մարոկկոյից միգրանտներից իրենց ծառայությունների դիմաց, ինչը թույլ էր տվել դրա անդամներին իրենց գործունեության միջոցով ստանալ ավելի քան 1 մլն եվրոյի չափով շահույթ: Խմբավորման ներկայացուցիչները կեղծում էր փաստաթղթերը, որ միգրանտները կարողանային ստանալ վիզաներ, որոնց միջոցով էլ արդյունքում հայտնվել Ջիբրալթարում: Այդտեղից անօրինական միգրանտներին գաղտնի կերպով ամենագնացներով տեղափոխում էին Իսպանիա: